1 Samuweli 31:5 - Bhibhiliya Nya Guage

⁵ Avbo muphari nya matshari yaye, a nga wonago nya gukhuye Sawule fude, a di dzi rinya nuye vbatshani nya litshari laye afa gumogo naye.

1 Samuweli 31:5 Iomraidhean Croise

1 Dzipfhumu 16:18

Avbo Ziniri, a nga wona gukhuye lidhoropa li ngu hadza gu wandrwa, a di bela nyumbani nya wufumu, aya yi vbisa nari umomo, afa.

1 Dzikoronika 10:5

Muphari nya matshari, na wone nya gukhuye Sawule fude, uye nuye a di dzi paya khu litshari laye, afa gumogo naye.

Valamuli 9:54

Khavbo avbo, uye a di rana lidzaha li nga bani li phara matshari yaye, a li embela, khuye: “Dusa litshari lago u nyi paya nyifa, gasi va si ganeli gupwani nyi di songwa khu giwindri khu nyamayi.” Muphari waye nya matshari, a di homola litshari laye a mu paya afa.

1 Samuweli 31:4

Khavbo, Sawule a di embela muphari nya matshari yaye, khuye: “Homola litshari lago u nyi paya khilo, gasi nyi siti paywa khu va nya misutu vava, va bwelo va hagana khu girumbi gyangu.” Aholu muphari nya matshari yaye, kha dzumela gu gira isoso, kholu a di gu thava ngudzu; khavbo avbo, Sawule a di dzega litshari laye a dzi rinya vbatshani gakone.

1 Samuweli 31:6

Khu kharati, Sawule a difa ni sanana saye sa siraru gumogo ni muphari nya matshari yaye, masotshwa yaye yatshavbo ma fude nayo khu litshigu lile gumogo naye.