1 Samuweli 31:13 - Bhibhiliya Nya Guage

¹³ Va di dzega marambo yakone, vata ma dzinga vbavbatshi nya simbo nya riva dhoropani ga Jabhesi, va hala livbandre na mavili matshigu.

1 Samuweli 31:13 Iomraidhean Croise

Genesi 35:8

Gikhati gyogyo, a difa Dhebhora, githumi gya Rebheka, va mu dzinga releloni ga Bheteli, mutsani nya nguhu, wu ranwago gupwani Nguhu nya Gililo.

Genesi 50:10

Avbo va nga vbohago vbagithalatunu gya Atade, githala nya miba gi guromo bambe nya tsongo wa Joridhani, va di gira vbale thumo nya gudzinge ni gililo nya gikhongolo ngudzu; Josefa a di gira gililo nya gikhongolo a lila babe waye khu livbandre na mavili matshigu.

2 Samuweli 1:12

Va di lila, va wombedzelana dzihuwa, va hala kala vbamadambotunu khu kotani ya Sawule ni Jonatane, ni vathu va Pfhumu Nungungulu, ni nyumba ya Israyeli, kholu va di sasedwe khu matshari.

2 Samuweli 11:26

Avbo ngadza Uriya a nga pwago gupwani mwama waye fude, a di mu lila.

Johane 11:19

Vajudha nya vangi va di hongode ga Marta ni Mariya, gasi guya va bangaladza khu gufa ga ndriyawe.

1 Samuweli 22:6

Sawule a di dziti nya gukhuye Dhavhidhe gumogo ni masotshwa yaye va tugudwe. Sawule a di khade vbavbatshi nya ngindro, nari ni giholoma mandzani, kovani wa Gibheya, nari gumogo ni dzindruna dzaye dzatshavbo na dzi gu mu randrede.