1 Samuweli 31:12 - Bhibhiliya Nya Guage

¹² va di khuga vama vatshavbo nya dzindrena, va gimbila wutshigu watshavbo, vaya dusa girumbi gya Sawule gumogo ni sirumbi sa sanana saye vbalibhiyotunu la Bheti-Seyani, va wuya naso Jabhesi vata si vbisa iyo.

1 Samuweli 31:12 Iomraidhean Croise

1 Dzikoronika 10:12

khavbo avbo, vama vatshavbo nya dzindrena, va di khuga, vaya dzega girumbi gya Sawule ni sirumbi sa sanana saye, va wuya naso tigoni ga Jabhesi; vata dzinga marambo yawe vbavbatshi nya nguhu, tigoni ga Jabhesi, va hala livbandre na mavili matshigu.

2 Dzikoronika 16:14

Va di mu dzinga ga lithowo a nga dzi girelago abune Dhoropani ga Dhavhidhe; va di mu ladzisa vbadawutunu nya gutale khu mahema nya gunungele nya yatshavbo mafumbu nya mafura ma dongisedwego khu vagengeli va wutigo thumo wowu nya gugire mafura nya gunungele, va mu vbisela mabani nya gutale ngudzu.

Jeremiya 34:5

aholu u nafa khu gurula, u na dzingwa khu gu vbisedwa mafura nya gunungele ni libani kha nga idzo va nga giredwago khidzo vavelegi vago, vafumeli va gu thangedego, va fumidego gale nu si gu velegwi, va na gu lila, va ganela, khavo: Yowe! Pfhumu! Kholu kheni nyi tumbisago isoso, a ngu ganela Pfhumu Nungungulu.

Amosi 6:10

A gu manega muthu, nya gute dzega girumbi gya nongo waye, gasi guya gi vbisa, gikhati a tago a ta bela nyumbani, a na embela uye a guromo dzikhonani nya nyumba, khuye: “Ina a nga guromo mumbe muthu omu, gani?” Uye a na khuye ahihi! Aholu uye a na khuye: Degula! Kholu hi mwalo fanelo nya gu dundruge khu lina la Pfhumu Nungungulu.

1 Samuweli 31:10

Va di vega matshari ya Sawule, nyumbani ga Asitaroti, nungungulu nya nyamayi, girumbi gyaye va gi vbayega vbalibhiyotunu la Bheti-Seyani.