1 Samuweli 31:10 - Bhibhiliya Nya Guage

¹⁰ Va di vega matshari ya Sawule, nyumbani ga Asitaroti, nungungulu nya nyamayi, girumbi gyaye va gi vbayega vbalibhiyotunu la Bheti-Seyani.

1 Samuweli 31:10 Iomraidhean Croise

Josuwa 17:11

Kholu tigoni ga Isakari ni Aseri, Manasi a di ningwa Bheti-Seyani gumogo ni madhoropa yaye; Ibhileyamu gumogo ni madhoropa yaye; vavbanyi va Dhori gumogo ni madhoropa yawe; vavbanyi va Eni-Dhori gumogo ni madhoropa yawe; vavbanyi va Tahanaki gumogo ni madhoropa yawe ni vavbanyi va Megidhu gumogo ni madhoropa yawe; a gu malanga mararu.

Valamuli 1:27

Lihundzu la Manasi kha la tutumisa vavbanyi va madhoropani ya Bheti-Seyani, ambari madhoropa yaye; ambari Tahanaki, ni madhoropa yaye, ambari Dhori, ni madhoropa yaye, ambari vavbanyi va Hibiliyani, ni madhoropa yawe, ambari vavbanyi va Megidhu, aholu Vakhanani va di simama guvbanya madhoropani momo.

Valamuli 2:13

Va digide Pfhumu Nungungulu, va khozela Bhahali ni sifananiso sa Asitaroti.

1 Samuweli 21:9

Muphasi nya mhamba a di mu hakha, khuye: “Litshari la Gholiya, Mufilisitiya wule u nga mu songago kovani ga Ela, khu li woni eli li fumbedwe umo nya mwendra khu hwane nya keka nya wuphasi; wa gu li vbweta li dzege, kholu avba li mwalo limbe vbavbandze nya ilolo.” Dhavhidhe a di ganela, khuye: “Li mwalo limbe nya guvbindre ilo; nyi ninge ilolo.”

1 Samuweli 31:12

va di khuga vama vatshavbo nya dzindrena, va gimbila wutshigu watshavbo, vaya dusa girumbi gya Sawule gumogo ni sirumbi sa sanana saye vbalibhiyotunu la Bheti-Seyani, va wuya naso Jabhesi vata si vbisa iyo.

1 Samuweli 7:3

Khavbo avbo, Samuweli a di ganela ga va na Israyeli vatshavbo, khuye: “A gu bani nari mwa gu wuyani ga Pfhumu Nungungulu khu monyo wanu watshavbo, dusani vbakari gwanu, vanungungulu nya valombo ni sifananiso sa Asitaroti, mu namarela khu monyo wanu watshavbo ga Pfhumu Nungungulu, mu thumela uye basi, uye a na mi vbanyisa mandzani ga Vafilisitiya.”