1 Samuweli 31:1 - Bhibhiliya Nya Guage

¹ Khavbo avbo, Vafilisitiya va di dwana ni va na Israyeli, vama va na Israyeli va di thava va tutuma mbeli ga Vafilisitiya, va di sasedwa mugigomoni gya Gilibhowa.

1 Samuweli 31:1 Iomraidhean Croise

2 Samuweli 1:21

Enu sigomo sa Gilibhowa, gu nga thegi vbatshani gwanu, thondrwane ni ndzadzi, ambari gu manega marembwe ma dusago dzimbewu nya ningelo, kholu umo gu nyenyezisidwe sitshangu sa dzindrena, gitshangu gya Sawule, gukhwatshi gima kha gya nga todzwa khu mafura.

2 Samuweli 1:6

Khavbo avbo, lidzaha li di hakha, khilo: “Eni nyi di gu vbindra khu mugigomoni ga Gilibhowa, nyi di wona Sawule na khighede vbalitsharitunu gwaye. Dzikareta ni vakhileli va nga bani va mu lundra, va di gu mu vbohela.

2 Samuweli 4:4

Jonatane, mwamana wa Sawule, a diri ni gyanana nya gikhwathana gi nga bani giri gigoha nya gukhwenyele mawundru, gi nga bani giri ni livbandre myaga gikhati ma vbohidego mahungu khu Jezireyeli nya gu tiviswe gufa ga Sawule ni Jonatane, musayisi waye a di mu dzega a tutuma naye; avbo va nga bani va tutuma, uye a di thega a limala a khala gigoha; lina laye a di ranwa pwani khu Mefibhoseti.

1 Samuweli 12:25

Aholu, mwa gu simama gu gira guvivba, mu nafa, enu gumogo ni mufumeli wanu.

1 Samuweli 28:1

Khu matshigu yale, avbo Vafilisitiya va nga tombanisa masotshwa yawe guya nyimbitunu, gasi guya dwana ni va na Israyeli, Akisi a di embela Dhavhidhe, khuye: “Khala nu gu dziti nya gukhuwe uwe gumogo ni vathu vago, mu na duga gumogo ni masotshwa yangu.”

1 Samuweli 28:15

Samuweli a di embela Sawule, khuye: “Khu ginani u nyi garadzago khu gu nyi wusa?” Khavbo avbo, Sawule a di khuye: Nya gu tshaniseka ngudzu khu mahungu ya Vafilisitiya va nyi dwanisago, Nungungulu a nyi digide, olu kha nyi ningi gambe phindrulo, ambari khu thumo nya vaprofeti, ambari khu dzindroro; khiso nyi gu ranidego khiso, gasi u nyi tulela iso nyi yelago gu gira.

1 Samuweli 28:19

Pfhumu Nungungulu a na ningela nuye Israyeli gumogo nago mandzani ga Vafilisitiya, mindru, uwe gumogo ni sanana sago mu na bani na muri ni eni; Pfhumu Nungungulu a na ningela lizumbo la Israyeli mandzani ga Vafilisitiya.

1 Samuweli 28:4

Vafilisitiya va di tombana va ta zumba Sunemi; Sawule nuye a di tombanisa va na Israyeli, va ta zumba Gilibhowa.

1 Samuweli 29:1

Vafilisitiya va di tombanisa masotshwa yawe yatshavbo dhoropani ga Afeka, va na Israyeli navo va diya zumba vbafuvbi ni nambo wu guromo Jezireyeli.