1 Samuweli 30:6 - Bhibhiliya Nya Guage

⁶ Dhavhidhe a di vbisega ngudzu, kholu vathu va di gu ganela khu gu mu pfara khu siwindri, kholu vatshavbo va di guvbisegide ngudzu khu mahungu nya sanana sawe nya sikhwathana ni vanyamahegyane vawe; aholu Dhavhidhe a di dzi tiyisela khu tshivba ya Pfhumu Nungungulu waye.

1 Samuweli 30:6 Iomraidhean Croise

Genesi 32:7

Jakobe a di tala khu hwanga a hambanega mapimo. A di kabanisa vathu a nga bani nari navo khu sikwata sivili. A gira gambe kharato ni sirengo nya sikhongolo ni esi nya sidugwana ni dzingameriya,

2 Samuweli 17:8

Husayi a di engedza, khuye: Uwe u ngu wuti gwadi wundrena wa babe wago ni wa vama a gu navo, va ngu leva gu fanana ni nyari yi bedwego sanana saye, gambe babe wago muthu nya nyimbi, vbawutshigutunu, kha khali vbakari nya vathu.

2 Dzipfhumu 4:27

Avbo a nga vbohago gigomoni ga muthu wa Nungungulu a dita mu phara mawundru yaye. Geyazi a di hidzimela vbafuvbi gasi guta mu digisa, aholu muthu wa Nungungulu a di mu embela, khuye: “Mu dige, kholu hefemulo waye wu ngu garadzega, aholu Pfhumu Nungungulu a nyi sihede silo sesi, kha nyi tivisa gilo.”

Joba 13:15

Ambari a gu nyi songa, nyi mwalo gimbe gitumbo; gambe mbeli gwaye, eni nyi na simamisa ni mavbanyelo yangu.

Dzindzimo 116:10

Eni nyi di gu simama gukhodwa, ambari nyi nga, kheni: “Guvbisega gwangu gukhongolo.”

Dzindzimo 138:3

Litshigu nyi nga lila gwago, u nyi hakhide; u engedzela tshivba nya hefemulo wangu.

Dzindzimo 18:2

Pfhumu Nungungulu, givhikelo gyangu, likhokhola langu, mudzegisi wangu; nyi ngu thavela gwaye, muvhikeli wangu, gitshangu ni tshivba nya guvbanyiswe gwangu, langwe yangu nya gutiye, wuthavelo wangu.

Dzindzimo 18:6

Wuvini gwangu, nyi di rana Pfhumu Nungungulu, nyi di khusa lito nyi rana Nungungulu wangu; Uye khu nyumbani gwaye a di yingisa lito langu, huwa yangu yi di vboha dzindzeveni gwaye.

Dzindzimo 25:17

Gu engedzelanide gusaniseka nya monyo wangu, nyi tshatugise sigaradzoni gwangu.

Dzindzimo 27:14

Tumba Pfhumu Nungungulu u tiya, tiyisa monyo wago, u tumba Pfhumu Nungungulu.

Dzindzimo 31:24

Tiyani, mu tiyisa myonyo yanu, enu mwatshavbo mu tumbago Pfhumu Nungungulu.

Dzindzimo 42:11

Khu ginani hefemulo wangu wu vbelago tshivba? Nya gu vbweta gutumba Nungungulu gambe nyi na mu rungudza. Uye khuye Nungungulu wangu ni muvbanyisi wangu.

Dzindzimo 42:5

Uwe monyo wangu, khu ginani u khuvekidego? Wa gu vbisega khu ginani ndrani gwangu? Tumba Nungungulu, kholu nyi nga na gu mu rungudza, uye khuye muphasi ni Nungungulu wangu.

Dzindzimo 42:7

Gueta gwa gu rana gumbe gueta gupwala guzindzani nya mabara; mavimbi yatshavbo ni sivimbyana si di vbindra khu vbatshani gwangu.

Dzindzimo 56:11

Nyi ngu vega gitumbo gyangu ga Nungungulu, kha nyi thavi gilo, va na nyi gira ginani vathu?

Dzindzimo 62:1

Hefemulo wangu wa gu mana gurula ga Nungungulu basi; guvbanyiswa gwangu gwa guta khiyo gwaye.

Dzindzimo 62:5

Hefemulo wangu wa gu khevisela Nungungulu basi, kholu gutumba gwangu gwa guta khavbo gwaye.

Dzindzimo 71:4

Nungungulu wangu, nyi vbulugise mandzani ga va nya guvivba, mandzani ga va nya guvivba ni vatshanisi.

Dzindzimo 71:5

Kholu uwe Pfhumu Nungungulu, khuwe gitumbo gyangu, nyi tumbide uwe gukhugela wananani wangu.

Ekisodha 17:4

Mosi a di rana Pfhumu Nungungulu a mu embela, khuye: “Nyi na gira ginani eni ga vathu vava? Gu tshala vbadugwana basi, va na nyi pfara khu siwindri.”

Mavingu 18:10

Lina la Pfhumu Nungungulu likhokhola li tiyidego va sihalago avbo vathu nya gululame.

Isaya 25:4

Kholu u wuthavelo nya sisiwana, ni likhokhola ga wule a hamugago gutshanisekani gwaye, u wuthavelo wawe matshiguni nya phuvbo nya gingulu, ni mutsa litshigu nya lihani. Kholu, lunya nya vathu nya guvivbedwe khu monyo la gu fanana ni phuvbo nya guthise yi furugedzago ndzari,

Jeremiya 16:19

Uwe Pfhumu Nungungulu, u tshivba, muvhikeli ni wuthavelo wangu litshiguni nya mhango! Avbo gwago mayigo ma nata khu mahegiso nya litigo ma ta, khayo: “Vababe vathu va hakhide thomba nya malipha ni wupumbu nyamba phasa gilo.

Jona 2:2

A ganela, khuye: “Wuvini gwangu, nyi lide ga Pfhumu Nungungulu; uye a nyi ninga phindrulo; khu phalani nya vafi, nyi lide gasi gu mana giphaso, uwe u pwide huwa yangu.

Mitengo 14:10

Tshangano watshavbo wu di alakanya gu mu pfara khu siwindri, aholu wudhumo wa Pfhumu Nungungulu wu di wonega vbatshani nya Tshatsha nya Tshangano ni ga vatshavbo va na Israyeli.

Matewu 21:9

Avo va nga bani va thangide mbeli navo va nga bani va guta khu hwane, vatshavbo va di mu kulungela, khavo: “Hosana ga Mwamana wa Dhavhidhe! A na rungudzwe uye a tago linani la Pfhumu! Hosana vbatshani Ndzadzini!”

Matewu 27:22

Pilato a di va wudzisa, khuye: “Ahati Jesu, a ranwago Kristo, nyi na mu gira kharini?” Vatshavbo va di hakha, khavo: “A na khokhothedwe!”

Johane 8:59

Khavbo avbo, va di rola siwindri gasi gu mu rinyela, aholu Jesu a di sihala, a gu duga Nyumbani ya Nungungulu.

Varoma 4:18

Ni avba gu nga bani guri mwalo gutumba, Abrahama a di khodwa ni gutumba. Khu gukhodwa gwaye khade babe nya mayigo nya mangi, kha nga Milowo yi ganelago, khiyo: “Tengo nya sanana sago wu na bani wuri kharati.”

Varoma 4:20

Wulangani nya gukanakane ni gumba tumba ga gisambanyo gya Nungungulu, gukhodwa ga Abrahama gu di engedzelana gu tiya khu tshivba a gu rungudza Nungungulu.

Varoma 8:31

Hi na khethu ginani khu silo sesi? Nungungulu a gu ema ni ethu, khu mani a na hi wugelago?

2 Vakorinto 1:6

Ethu ha gu saniseka, ga gu girega gasi enu mu mane guthaveledwa ni gu vbanyiswa; ha guvbungadzedwa ga gu girega gasi mu mane guvbungadzedwa ni gu ningwa tshivba nya gutimisele, ni guhunisela sigaradzo, hi si timiselago ethu nethu.

2 Vakorinto 4:8

Ethu hi ngu sokhovedzwa khu maphuvbo yatshavbo, aholu kha hi rereki, hi ngu kanganyisega, aholu kha hi bweleli hwane.

2 Vakorinto 7:5

Kholu gukhugela hi vboha tigoni ga Makedhoniya, gima kha hi mani ni gikhati nya guhefemule. Kholu ha gu wona sigaradzo maphuvbo yatshavbo: Mayunga ni guhambana ni vathu, khu vbavbandze; khu ndrani gu gugaradzega nya monyo.

Vahebheru 13:6

Khu guralo, hi ngu tiya longo hi ganela, khethu: “Pfhumu khuye muphasedzeli wangu, eni kha nyi thavi gilo. A nga nyi gira ginani muthu?”

Valamuli 18:25

Va na Dhani, va di mu hakha, khavo: “U nga phikhizani ni ethu, kholu vambe nya gihafane va na gu ndragela, u luza womi wago ni wa vatshavbo va nyumbani gwago.”

Valamuli 20:22

Aholu va na Israyeli va di bwelela vaya vbweta tshivba, va di soma gambe va dongisela yimbe nyimbi wulanga va nga phelago khavbo gu dwana khu litshigu nya guhegule.

1 Samuweli 1:10

Khu vbale, Ana, a di khuga na khuvekide, a di lombelela ga Pfhumu Nungungulu na gu lila khu wuvi waye watshavbo.

1 Samuweli 23:16

Khavbo avbo, Jonatane, mwamana wa Sawule a di kuga a hongola aya manana ni Dhavhidhe tigoni ga Horesa gasi guya mu tiyisela ni gu a tumba Nungungulu.

1 Samuweli 28:15

Samuweli a di embela Sawule, khuye: “Khu ginani u nyi garadzago khu gu nyi wusa?” Khavbo avbo, Sawule a di khuye: Nya gu tshaniseka ngudzu khu mahungu ya Vafilisitiya va nyi dwanisago, Nungungulu a nyi digide, olu kha nyi ningi gambe phindrulo, ambari khu thumo nya vaprofeti, ambari khu dzindroro; khiso nyi gu ranidego khiso, gasi u nyi tulela iso nyi yelago gu gira.