1 Samuweli 30:3 - Bhibhiliya Nya Guage

³ Dhavhidhe a dita dhoropani gumogo ni vathu vaye, va ta li mana na li gu vbisidwe, vagadzi vawe, sanana sawe nya sikhwathana ni vanyamahegyane vawe, va di dzegidwe va girwa dzikhumbi.

1 Samuweli 30:3 Iomraidhean Croise

Dzindzimo 34:19

Sigaradzo nya muthu nya gululame singi ngudzu, aholu Pfhumu Nungungulu a gu mu vbulugisa ga satshavbo.

Vahebheru 12:6

kholu, Pfhumu a gu kawuka uye a mu haladzago, a gu tsayisa oyu a mu hakhago nga gyanana gyaye.”

Gutuledwa 3:9

Nyi na gu ninga tshangano nya valandreli va Sathane, vale va dzi randrago Vajudha nari va gu lipha. Va na khidzima migondroni gwago, gasi va dziti nya gukhavo nyi ngu gu gola.

1 Samuweli 27:3

Dhavhidhe gumogo ni masotshwa yaye va di ya vbanya ni Akisi. Dhoropani ga Gati, moyo ni moyo ni ngamo yaye; Dhavhidhe nari ni vagadzi vaye vatshavbo, a gu Ahinohani, muzereyeli ni Abhigayili, noni ya Nabhali, mukarimeli.

1 Samuweli 30:2

Va di dzegide vanyamayi va nga bani na vari umomo va va gira dzikhumbi; mwalo va nga mu songago, nya va dugwane mwendro nya vakhongolo; va di va dzega basi va hongola navo.

1 Samuweli 30:4

Khavbo avbo, Dhavhidhe gumogo ni vathu a nga bani nari navo, va di khusa lito va lila kala va vbeledwa khu tshivba nya gulile.