1 Samuweli 30:26 - Bhibhiliya Nya Guage

²⁶ Avbo Dhavhidhe a nga vbohago Zikalagi, a di rumela phango ga madhota ya Judha, ni ga dzipari dzaye, a va embela, khuye: Hakhani giningwa gegi nya phango hi phangidego ga valala va Pfhumu Nungungulu;

1 Samuweli 30:26 Iomraidhean Croise

Genesi 33:11

Khu guralo, nyi ngu gu lomba, dzumela gu hakha ningelo va gu reselago khu lina langu, kholu Nungungulu a nyi girede wuhindzi; nyi na ni silo nya guenele.” Khu magirelo yoyo, Jakobe a di mu khongotela gu kala Esawu a dzumela gu hakha.

2 Samuweli 1:1

Hwane nya bani na fude Sawule, Dhavhidhe na ngari gu wuya khiyo nya gusasele Vaamaleki, na khade matshigu mavili tigoni ga Zikalagi;

2 Dzipfhumu 5:15

Khavbo avbo, a di bwelela ga muthu wa Nungungulu uye gumogo ni vathu vaye, ata ema mbeli gwaye a mu embela, khuye: “Olu kamwe nyi ngu dziti gukheni omu tigoni gwatshavbo, mwalo Nungungulu, vbavbandze gwa Nungungulu wa tigoni ga Israyeli basi; gasi olu nyi ngu gu lomba kheni hakha gikategiso gya githumi gyago.”

Dzindzimo 35:27

Va na embelele va nengela, avo va dwanelago gululama gwangu, va na ganele gikhati gyatshavbo, khavo: “A na rungudzwe Pfhumu Nungungulu, a tsakiswago khu gu dugelela ga githumi gyaye!”

Dzindzimo 68:18

Uwe u gwede gigomoni nya gulaphe, u dzegide sibotshwa nya singi; u hakhide miningelo ga vathu, ni ava va gu wugelago navo va reside miningelo yawe, Pfhumu Nungungulu a na vbanya vbakari gwawe.

Isaya 32:8

Aholu muthu nya guthavisege, a gu gira makungo nya guthavisege, khu kotani nya mithumo yaye nya guthavisege, a manega na tiyide.

2 Vakorinto 9:5

Khu kotani nya idzodzo, gu kala nyi alakanya gu rumela vandruye vava guhegula, gasi vata mi phasa gu dongisela gwadi giphaso gyanu mu nga tumbisago. Ningelani khu guhaladza gwanu, nasiri khu gugurumedzwa.

1 Samuweli 18:17

Sawule a di embela Dhavhidhe khuye: “Nyi na gu ninga Merabhi nyamahegyane wangu nya matiwula a khala mwangadzi wago; gambe u fanede gu dzi yeyedza gukhuwe u ndrena nya gudwane dzinyimbi dza Pfhumu Nungungulu.” Sawule a di ganela khu monyoni gwaye, khuye: “Kha nyi vbweti gu mu songa khu mandza yangu, aholu a na songwa khu Vafilisitiya.”

1 Samuweli 25:27

Oyu khu ningelo wu residwego khu githumi gyago ga mune wangu, gasi wu ningedwa ga madzaha ma landrelago mune wangu.

1 Samuweli 25:28

Nyi ngu lomba u tsetselela nandru wa eni githumi gyago nyi wu giridego, kholu khu lisine furi, Pfhumu Nungungulu, a na tiyisa nyumba ya mune wangu, kholu wa gu dwana dzinyimbi dza Pfhumu Nungungulu, gu mwalo guvivba gu nga manwago avbo gwago khu ga matshigu yago yatshavbo.

1 Samuweli 30:20

Dhavhidhe a di phanga gambe ni mitshambi nya dzinvuta ni dzimombe dza Vaamaleki. Avo va nga bani vari ni mitshambi va di thanga mbeli ga Dhavhidhe, khavo: “Owu khu pfimba wa Dhavhidhe.”

1 Samuweli 30:25

Khu kharati, gukhugela khu litshigu lile guya mbeli, gu di hungwa kharato, wu khala nayo wu tiyidego tigoni ga Israyeli kala na muhuno.