1 Samuweli 30:22 - Bhibhiliya Nya Guage

²² Aholu vbakari nya vathu va nga bani va hongode nyimbitunu ni Dhavhidhe, gu diri ni vathu nya guvivbedwe khu monyo nya sanana sa Bheliyali, va di hakha, khavo: “Olu va nga tshala va si hongoli ni ethu, kha va yeli gu ningwa phango hi phangidego; gasi olu, muthu ni muthu, a na dzege mwangadzi waye ni sanana saye a hongole.”

1 Samuweli 30:22 Iomraidhean Croise

1 Dzipfhumu 21:10

Mu emisani vama vavili nya guvivbedwe khu monyo mbeli gwaye, va singedza nandru Nabhoti, khavo: Vade Nungungulu ni mufumeli. Khu hwane mu duseni vbavbandze nya lidhoropa, mu mu pfara khu siwindri kala afa.”

1 Dzipfhumu 21:13

Khavbo avbo, gu dita vama vavili nya guvivbedwe khu monyo, va ta ema mbeli ga Nabhoti. Va di gira wufakazi nya malipha va mu rwega nandru mbeli ga vathu, khavo: “Nabhoti vade Nungungulu ni mufumeli.” Va di mu dzega va mu dusa vbavbandze nya lidhoropa va mu pfara khu siwindri kala afa.

Matewu 7:12

Khu kharato, iso mu vbwetago gukhenu vathu va mi girele, va gireleni nenu, kholu khidzo kharati wu hevbudzago Nayo ni sihevbudzo sa vaprofeti.

Dhewuteronome 13:13

vama nya gukari nya guvivbedwe khu monyo va dugide khu vbakari gwago, va gurumedza vavbanyi va dhoropani gwawe, khavo: Hongoleni hi khozela vambe vanungungulu, u si vatigo,

Valamuli 19:22

Na vari vbakari nya gutsake, gu dita vama nya mighewu ya dhoropani mule, nya sanana sa Bheliyali, va ta randrela nyumba ya gikhosane gile, va veta lidimba, va embela gikhosane gile nya mune ndranga, khavo: “Nga dusa vbavbandze muthu yoyo a bedego nyumbani gwago, gasi hi ta hagana khuye.”

1 Samuweli 22:2

Vatshavbo vale va nga bani vari ni sigaradzo, ni vatshavbo vale va nga bani vari ni milandru gumogo ni vale va sa tsakago, va di ya tombana gwaye; uye a di khala muthangeli wawe. Va diromo gipimo nya mazana mana (400) vama a nga bani ari navo.

1 Samuweli 25:17

Khu guralo, wona egi u yelago gu gira, kholu mune wathu ni ndranga yaye yatshavbo a ngu thusedzedwa khu gukhungumudwa; kholu uye muthu nya dzihanyi, mwalo a dzi kodzago gu ganela naye.

1 Samuweli 25:25

Mune wangu, u nga theli kota khu mwama yoyu nya dzihanyi, a gu uye Nabhali, kha nga li tshamuselago lina laye. Khu lisine khuye Nabhali kha nga a gu idzo ni wupumbu waye. Gasi eni githumi gyago kha nya ma wona madzaha ya mune wangu, u ma rumidego.

1 Samuweli 30:21

Avbo Dhavhidhe a nga vbohago ga vama vale nya mazana mavili va nga rereka khu gugarala va tshala gitsongwanani gya Bhesori, avo va di duga va khinga Dhavhidhe gumogo ni vathu a nga bani nari navo; Dhavhidhe, a di hidzimela vbafuvbi gwawe aya wuselana navo, gasi guti guvbanya gwawe.

1 Samuweli 30:23

Dhavhidhe a di hakha, khuye: “Vandriyangu, mu nga girini kharato, esi silo hi di ningwa khu Pfhumu Nungungulu, a nga hi sayisago a hi ninga mandzani gwathu tsawa nya sighevenga si ngata hi sasela.