1 Samuweli 30:21 - Bhibhiliya Nya Guage

²¹ Avbo Dhavhidhe a nga vbohago ga vama vale nya mazana mavili va nga rereka khu gugarala va tshala gitsongwanani gya Bhesori, avo va di duga va khinga Dhavhidhe gumogo ni vathu a nga bani nari navo; Dhavhidhe, a di hidzimela vbafuvbi gwawe aya wuselana navo, gasi guti guvbanya gwawe.

1 Samuweli 30:21 Iomraidhean Croise

Vahebheru 13:1

Simamani mu haladzana khu gyanu kha nga va na ndruye ni ndruye.

1 Pedro 3:8

Gu vbwetega mwatshavbo mu hengela mapimo ni monyo moyo, mu golana khu gyanu khu lihaladzo nya wundruye, muri vathu nya gurule ni gu dzi sodzisa.

Valamuli 8:15

Khavbo avbo, Gidhiyoni a di hongola Sukoti aya embela vathu va iyoyo, khuye: “Avba womo Zebha ni Zalimuna, avo mu nga nyi hega khu avo, mu ganela, khenu: Zebha ni Zalimuna va ngari mwalo mandzani gwago, khu ginani hi na gu ningela guhodza masotshwa yago ma garadego?”

1 Samuweli 17:18

Dzega gambe likhumi sibaba sesi nya gugirwe khu mahwe uya ningela muthangeli nya masotshwa yawe. U vbweta guti vandriyago va ngu wuga kharini, u nyi resela gitiviso.

1 Samuweli 17:22

Dhavhidhe a di diga iso a nga bani ari naso ga muthangeli nya sombo, a tutuma a hongola wulanga nya gudwanele avbo litunga, gasi gu yati vandriyaye vomo kharini.

1 Samuweli 30:10

Khu guralo, Dhavhidhe a di simama gu va landra nari ni mazana mana vama; ava vambe nya mazana mavili va di tshala hwane khu kotani nya gugarale, kha va dzi kodza gu tshatuga gitsongwana gya Bhesori.

1 Samuweli 30:22

Aholu vbakari nya vathu va nga bani va hongode nyimbitunu ni Dhavhidhe, gu diri ni vathu nya guvivbedwe khu monyo nya sanana sa Bheliyali, va di hakha, khavo: “Olu va nga tshala va si hongoli ni ethu, kha va yeli gu ningwa phango hi phangidego; gasi olu, muthu ni muthu, a na dzege mwangadzi waye ni sanana saye a hongole.”