1 Samuweli 30:16 - Bhibhiliya Nya Guage

¹⁶ Avbo lidzaha li nga relelago gu vbelegedza Dhavhidhe, Vaamaleki va di phalalegide ni gipandre nya litigo, na va gu hodza ni gu sela, na va gu tsakela thomba nya yingi va nga yi wandra tigoni ga Vafilisitiya ni ga Judha.

1 Samuweli 30:16 Iomraidhean Croise

2 Samuweli 13:28

Abhisalamo a di leletela madzaha yaye, khuye: Khedzani gwadi, gikhati monyo wa Amoni wu na gu bani wu tsakide khu wadwa, eni nyi na mi embelani, kheni: Songani Amoni, enu mu songeni nyambana hwanga, kholu kheni nyi mi rumago! Tiyani mu khale vama nya dzindrena.

1 Dzikoronika 4:43

Va di sasela Vaamaleki va nga bani va tshade, va khala avo mule kala na muhuno.

Joba 20:5

wudhumo wa va nya guvivbedwa khu monyo kha wuyi danga, ni gunengela nya sighohi, khwa matshigwanyana, gani?

Dzindzimo 119:162

Nyi ngu nengela khu gitumbiso gyago, kha nga muthu a manago thomba nya gutale.

Ekisodha 32:6

Khu mindru gakone, ni dzimindru, va di ningela dzimhamba nya miphaso nya guvbiswe ni dzimhamba nya gubonge. Vathu va di khala vbavbatshi va hodza, va sela, va khuga va hana, va gu ghiya.

Isaya 22:13

Aholu enu mu di womba mikulungwane ni mighiyo; mu songa dzimombe ni dzinvuta; mu hodza dzinyama ni gu sela mawadwa nya mangi! Mu bwelo khavbo, khenu: “Hi na hodze ni gu sela, kholu mindru hi nafa.”

Isaya 9:3

U andriside vathu vava, u engedzela gutsaka gwawe; va ngu nengela mbeli gwago, kha nga vale va tsakago guvbwerani, ni vale va kabanago silo va phangidego nyimbitunu.

1 Vatesalonika 5:3

Gikhati vathu va ganelago, khavo: “Litigo li lade, gu mwalo gilo,” khavbo avbo gu natago, khu gipitipiti, gumbemba vbatshani gwawe. Va na khala nga nyamayi nya mimba gikhati a lumwago, kha va na vbuluga.

Josuwa 22:8

A di va embela, khuye: “Bwelelani ni dzithomba nya dzingi mitshatshani gwanu, mitshambi nya gutale ngudzu, parata, ndralama, sugu, simbi ni guambala nya gutale ngudzu. Kabanelanani ni vandriyanu, iso mu phangidego ga valala vanu.”

Valamuli 8:11

Gidhiyoni a di gwela khu ndzila ya avo va nga bani va vbanyela mitshatshani, a thonona Khugadambo ga Nobha ni Jogibheya; a di dhumela masotshwa na ma pfhade.

1 Samuweli 30:14

Hi di hongode hi ya sasela phuvbo ga Marandzi wa Vakereti, ni litigo la Judha gumogo ni Marandzi wa Kalebi, hi rotha nilo dhoropani ga Zikalagi.”

1 Samuweli 30:15

Dhavhidhe a di mu wudzisa, khuye: “U ngu kodza gu nyi dzega u nyi vbelegedza ga tsawa yoyo nya sighevenga, gani?” Lidzaha li di mu hakha, khilo: “Sambanya mbeli ga Nungungulu, gukhuwe khu na nyi songa ambari guya nyi ningela mandzani ga mune wangu, nyi na gu vbelegedza kala iyo gwawe.”