1 Samuweli 30:15 - Bhibhiliya Nya Guage

¹⁵ Dhavhidhe a di mu wudzisa, khuye: “U ngu kodza gu nyi dzega u nyi vbelegedza ga tsawa yoyo nya sighevenga, gani?” Lidzaha li di mu hakha, khilo: “Sambanya mbeli ga Nungungulu, gukhuwe khu na nyi songa ambari guya nyi ningela mandzani ga mune wangu, nyi na gu vbelegedza kala iyo gwawe.”

1 Samuweli 30:15 Iomraidhean Croise

Genesi 24:3

Nya gu vbweta gukheni u sambanye khu lina la Pfhumu Nungungulu wa ndzadzini ni Nungungulu wa mafuni, khuwe, gima khu na nga vbwetela gyanana gyangu, nyamayi vbakari ga vanyamahegyane nya lifumbu nya Vakhanani nyi vbanyago vbakari gwawe.

Ezekiyeli 17:13

Hwane nya ugo, a di dzega moyo nya gyanana gya mufumeli a gira nagyo gidzumeledzwano, a mu gurumedza gu gira gisambanyo. A gu dzega gambe vathangeli va tigoni mule,

Ezekiyeli 17:16

Nyi ngu sambanya khu guvbanya gwangu, a ngu ganela Mune Pfhumu Nungungulu, khu lisine a naya fela tigoni ga Bhabhiloni, a gu tigoni ga mufumeli a mu emisidego vbagikhalotunu nya wufumu, uye a yeyisidego gisambanyo a fanya gidzumeledzwano.

Ezekiyeli 17:19

Khu guralo, Mune, Pfhumu Nungungulu a ngu ganela kharati, khuye: Nyi ngu sambanya khu guvbanya gwangu, kheni: Kha nga a yeyisidego ni gu pila gidzumeledzwano gyangu, esi nyi na mu bweledzela hungoni gwaye.

Josuwa 2:12

Gasi olu, nyi sambanyeleni khu lina la Pfhumu Nungungulu, kha nga olu nyi giridego wuhindzi avbo gwanu, enu nenu mu nyi girela kharato, mu vbanyisa ndranga ya babe wangu; nyi ningeni giwonegiso nya lisine

Josuwa 9:15

Josuwa a di pwanana navo gasi gu manege gurula, a gira gidzumeledzwano navo, a va thembisa gu va diga va vbanya; manganagana nya tshangano ma di gi tiyisa khu gu gira gisambanyo.

Valamuli 1:24

Avbo, vasoli va nga wona mwama moyo a nga bani na gu duga khu dhoropani, va di mu embela, khavo: “Hi yeyedze mwanya nya gubele dhoropani, ethu kha hi na gu girela guvivba.”

1 Samuweli 29:6

Khavbo avbo, Akisi a di rana Dhavhidhe a mu embela, khuye: “Nyi ngu sambanya khu Pfhumu Nungungulu a vbanyago, gukheni uwe u lulamide, nyi di gu wona gukheni gu diri gwadi gu longoloka neni nyimbini momu; kholu gimwalo gihoso ni gimwegyo nyi gi manidego avbo gwago, gukhugela litshigu u vbohidego avbo gwangu kala muhuno; aholu manganagana yangu, kha ma tsaki khuwe.”

1 Samuweli 30:14

Hi di hongode hi ya sasela phuvbo ga Marandzi wa Vakereti, ni litigo la Judha gumogo ni Marandzi wa Kalebi, hi rotha nilo dhoropani ga Zikalagi.”

1 Samuweli 30:16

Avbo lidzaha li nga relelago gu vbelegedza Dhavhidhe, Vaamaleki va di phalalegide ni gipandre nya litigo, na va gu hodza ni gu sela, na va gu tsakela thomba nya yingi va nga yi wandra tigoni ga Vafilisitiya ni ga Judha.