1 Samuweli 3:9 - Bhibhiliya Nya Guage

⁹ Khu guralo, Eli a di embela Samuweli, khuye: “Indra, bwelela u ya lala. Wa gu ranwa gambe, hakha, khuwe: Ganela, Pfhumu Nungungulu; githumi gyago gi ngupwa!” Samuweli a di bwelela aya lala.

1 Samuweli 3:9 Iomraidhean Croise

Dzindzimo 85:8

Nyi na yingisa esi Pfhumu Nungungulu a na ganelago, kholu a na ganela khu mahungu nya gurule ga vathu vaye, ni ga vale va khodwago gwaye; gasi va si wuyeleli gambe wupumbuni.

Dzindzimo 85:9

Guvbanyisa gwaye gomo vbafuvbi ga vale va mu thavago gasi wudhumo wu vbaha tigoni gwathu.

Ekisodha 20:19

Vathu va di embela Mosi, khavo: “Ganela uwe ga ethu, ethu hi na yingisa; aholu a nga ganeli Nungungulu ga ethu, kholu hi ngafa.”

Isaya 6:8

Khu hwane nya ugo, nyi dipwa lito la Pfhumu, li nga nyi embela, khilo: “Nyi na ruma mani, khu mani a na hongolago khu lina lathu?” Eni nyi di hakha, kheni: “Nyi womo avba. Nyi rume.”

Dhaniyeli 10:19

Gi nyi embela, khigyo: “U nga khali hwanga, uwe u gigodwa ngudzu. Gurula gu na khale ni uwe! Tiya! U nga thavi!” Avbo nyi nga embedwago magana yaya, nyi di dzipwa na nyi tiyide, nyi ganela, kheni: “Ganela mune wangu, kholu u nyi ningide tshivba.”

Mithumo 9:6

ambari ulo khuga u bele dhoropani, va na gu embela esi u fanedego gu gira.”

Josuwa 5:14

Uye a di hakha, khuye: “Ahihi, eni nyi muthangeli nya nyimbi ya Pfhumu Nungungulu, olu nyi womo avba.” Josuwa a di noga a thega vbavbatshi khu khovbe, a mu wudzisa, khuye: “Ginani u gu nagyo pfhumu yangu gasi gu embela githumi gyago?”

1 Samuweli 3:10

Khavbo avbo, Pfhumu Nungungulu a dita vbafuvbi gwaye, a mu rana kha nga idzo a nga mu ranago khidzo ga dzimbe dzinyondro, khuye: “Samuweli! Samuweli!” Samuweli a di hakha, khuye: “Ganela, Pfhumu Nungungulu; githumi gyago gi ngupwa!”

1 Samuweli 3:8

Pfhumu Nungungulu a di engedza gu rana Samuweli nya wuraru, uye a di wuga a hongola ga Eli, aya mu embela, khuye: “Nyi womo avba, kholu u nga nyi ranago.” Khavbo avbo, Eli a di tugula gukhuye khu Pfhumu Nungungulu a ranago lidzaha.