1 Samuweli 3:6 - Bhibhiliya Nya Guage

⁶ Pfhumu Nungungulu a di rana nyaluphye Samuweli. Lidzaha li di wuga li hongola avbo a nga bani a romo Eli, li ya, khilo: “Nyi womo avba, kholu u nga nyi ranago:” Eli a di li hakha, khuye: “Kha nya gu rana mwanangu; bwelela u ya lala.”

1 Samuweli 3:6 Iomraidhean Croise

Genesi 43:29

Josefa a di khusa maho a gu wona Bhejami ndriyaye, gyanana gya mayi waye, a di wudzisa, khuye: “Khuye oyu ndriyanu nya nandra mu nga nyi embelago, gani?” A di engedza gambe, khuye: “Nungungulu a na gu kategise, mwanangu!”

2 Samuweli 18:22

Ayimahasi, mwamana wa Sadhoki a di engedza a embela Jowabhi, khuye: “Gani ginani gi na dugelelago, eni neni nyi dige nyi landra Muetiyopi. Jowabhi a di khuye: “Mwanangu, u na tutuma u fela ginani, kholu tshatshazelo muni u na yi manago ga mahungu yaya?”

Matewu 9:2

Va di mu yisela gilima khu lithatho. Jesu, khu gu wona gukhodwa gwawe, a di embela gilima, khuye: “Mwanangu, tiya. Sighoho sago si tsetseledwe.”

1 Samuweli 3:5

Samuweli a di tutuma a hongola ga Eli aya mu embela, khuye: “Nyi womo avba, kholu u nga nyi ranago:” Aholu Eli a di mu embela, khuye: “Kha nya gu rana, mwanangu; bwelela u ya lala:” Uye a di bwelela aya lala.

1 Samuweli 3:7

Samuweli a di bani a si gu muti Pfhumu Nungungulu, gambe gima a di bani a si gu tuledwi guti magana ya Pfhumu Nungungulu.

1 Samuweli 4:16

Mwama wule a di embela Eli, khuye: “Eni kheni nyi nga duga khu vbakari nya litunga nyi vbuluga khu gututuma muhuno kamwe.” Eli a di mu wudzisa, khuye: “Gasi ginani gi nga gu dugelela, mwanangu?”