1 Samuweli 3:3 - Bhibhiliya Nya Guage

³ Mwenge wa Nungungulu na wu si gu tshimegi Samuweli a di lade Nyumbani ga Pfhumu Nungungulu, umo yi nga bani yi romo Ngasa ya Nungungulu.

1 Samuweli 3:3 Iomraidhean Croise

2 Dzikoronika 13:11

Litshigu ni litshigu, vbadzimindrutunu ni silambosile, va gu ningela dzimhamba nya guvbiswe, ni guvbisa libani nya gunungele; va gu vega sibaba nya miphaselo vbamezatunu nya miphaso; va khondrisa dzikandriya nya ndralama vbamezatunu gakone matshigu yatshavbo vbasilambotunu. Kholu ethu hi ngu landrisa Nayo wa Pfhumu Nungungulu, oyu enu mu mu digidego.

Dzindzimo 27:4

Gilo gimwegyo basi nyi lombago ga Pfhumu Nungungulu, nyi gi dogorelago khu monyo wangu watshavbo: Khu gu khala Nyumbani ga Pfhumu Nungungulu matshigu yatshavbo nya guvbanye gwangu, nyi fela gunengela khu gutshamba ga Pfhumu Nungungulu ni gu alakanya Nyumba yaye.

Dzindzimo 29:9

Lito la Pfhumu li ngu tshomborosa matshina nya misena li vbiyela magabi. Nyumbani gwaye sivangwa satshavbo si ngu pwadza wudhumo.

Dzindzimo 5:7

Gasi eni, khu lihaladzo lago nya likhongolo, nyi ngu bela nyumbani gwago; nyita khidzima nyi gu khozela khu githawo nyumbani gwago nya gukatege.

Ekisodha 25:31

U na gira gambe gidzigaredzo nya dzikandriya khu ndralama nya guhutwe. Gidzigaredzo gyogyo gi na girwa khu ndralama nya gupfhudwe gi bethwa gumogo ni litshina ni matamo yakone si khala gilo gimwegyo basi nyamba yingwa; sifugwana nya guthele mafura ni sihakhedzelo sakone, si na mburisedwa khu mahagane ni senge, si bethwa gumogo ni gidzigaredzo.

1 Samuweli 1:6

Gu diga nya isoso, kwawe Penina a di mu tsorodzela ngudzu, na gu mu tshanisa, khu kotani Pfhumu Nungungulu a nga mu gira gyumba.

1 Samuweli 1:9

Tshigu mwedo, na va vbedzide gu hodza ni gu sela tigoni ga Silo, Ana a di khuga a ema; muphasi nya mhamba Eli, a di khade vbagikhalotunu gwaye, vbafuvbi ni mwanya nya Tshatsha nya Guage.