1 Samuweli 3:13 - Bhibhiliya Nya Guage

¹³ Kholu nyi mu tiviside gukheni nyi na lamula ngamo yaye kala gupindruga, khu kotani nya guvivbe gwaye, kholu a di gu dziti nya gukhuye, sanana saye si di gu gira manyala, aholu a si si kawuki.

1 Samuweli 3:13 Iomraidhean Croise

1 Dzipfhumu 1:6

Babe waye gima kha nga mu kawuka, khuye: “Gasi ginani u girago isoso?” Uye nuye a di wonega na mburide ngudzu, a diri nandra wa Abhisalamo nya guvelegwe khu Hagiti.

1 Dzipfhumu 2:44

Mufumeli a di engedza gambe ga Simeyi, khuye: “Uwe u ngu guti gwadi khu monyoni gwago guvivba gwatshavbo u giredego babe wangu Dhavhidhe. Khu guralo, Pfhumu Nungungulu a na bweledzela hungoni gwago guvivba gwago.

2 Dzikoronika 20:12

Oh, Pfhumu Nungungulu wathu! Ina kamwe khu na va lamula, gani? Kholu ethu hi mwalo tshivba nya gu dwane ni mwandra yoyu nya wukhongolo wutago guta hi dwanisa; olu ni gilo nya gugire kha hi giti; maho yathu ha gu ma vega mbeli gwago.”

Mavingu 19:18

Tsayisa mwanago gikhati gi nga gu dzumela, aholu u nga mu tsayiseli gu mu songa.

Mavingu 29:15

Lipitso ni gululeka si ngu ninga mapimo, aholu gyanana gi dandrago gi si laywi, gya gu thela dzitshoni mayi waye.

Muhevbudzi 7:22

Kholu uwe nuwe u ngu lemba vakwanu, livhalo li ngu gu embela isoso.

Ezekiyeli 18:30

Khu guralo, enu va na Israyeli, eni nyi na mi lamula, moyo ni moyo gukhedza khu dzindzila dzaye. A ngu ganela Mune, Pfhumu Nungungulu. Dzi layeni mu hambana ni guvivba gwanu gwatshavbo, gasi gighoho gi si khali givangelo nya gu mu tshunganise.

Ezekiyeli 7:3

Gikhati gyago nya mahegiso gi ngu vboha, nyi na gu rumela likhulo langu. Nyi na gu tsayisa gukhedza khu guvivba gwago ni mithumo yatshavbo nya gunyenyeze u giridego.

Joyele 3:12

Mayigo ma na khuge ma ema, ma ta kovani ga Josafani, kholu khavbo vbale nyi na gu ya khalago, gasi gu lamula mayigo yatshavbo ma mi randredego.

Matewu 10:37

“Uye a golago babe mwendro mayi guvbindra idzo a nyi golago khidzo, kha nyi faneli. Ni uye a golago mwanaye nya gikhwathana mwendro nya gyagadzyana guvbindra idzo a nyi golago khidzo, kha nyi faneli.

Dhewuteronome 17:12

Muthu a na kanyisago a si yingisi muphasi nya mhamba a na gu bani ari vbale gasi gu thumela Pfhumu Nungungulu wago, ambari gu yingisa mulamuli, muthu yoyo fanede gu songwa; khu magirelo yoyo mu na vbedza wuvivbi vbakari ga va na Israyeli,

Dhewuteronome 21:18

“Muthu a gu bani nari ni gyanana nyamba yingisa lito la babe ni mayi waye, ambari gya gu tsayiswa gi si va yingisi,

1 Johane 3:20

Kholu, myonyo yathu ya gu hi kona, hi ngu dziti nya gukhethu Nungungulu khongolo guvbindra myonyo yathu, a nguti satshavbo.

1 Samuweli 2:12

Sanana sa Eli, si diri sanana nya guvivbedwe khu monyo; si di si khathali khu Pfhumu Nungungulu;

1 Samuweli 2:17

A diri gighoho nya gikhongolo gya madzaha yaya mahoni ga Pfhumu Nungungulu, kholu avo va di si ningi githawo miningelo yi giredwago Pfhumu Nungungulu.