1 Samuweli 29:6 - Bhibhiliya Nya Guage

⁶ Khavbo avbo, Akisi a di rana Dhavhidhe a mu embela, khuye: “Nyi ngu sambanya khu Pfhumu Nungungulu a vbanyago, gukheni uwe u lulamide, nyi di gu wona gukheni gu diri gwadi gu longoloka neni nyimbini momu; kholu gimwalo gihoso ni gimwegyo nyi gi manidego avbo gwago, gukhugela litshigu u vbohidego avbo gwangu kala muhuno; aholu manganagana yangu, kha ma tsaki khuwe.”

1 Samuweli 29:6 Iomraidhean Croise

Genesi 16:6

Abrama a di mu hakha, khuye: “Githumi gyago gyomo mandzani gwago; gira gugola gwago khu igyo.” Khavbo avbo, Sarayi a di gi tshanisa a gu gi tshonegisa. Agari a di khuga a gu thavela hwindzo.

2 Samuweli 3:25

U ngu dziti nya gukhuwe uye a dzude avbo gwago gasi guta gu kanganyisa ni guta wona satshavbo iso u girago.”

2 Dzipfhumu 19:27

Aholu eni nyi ngu mati makhalelo yago, mabelelo yago ni madugelo yago, ni idzo u gu ni giviti ngudzu khidzo khu eni,

Dzindzimo 121:8

Pfhumu Nungungulu a ngu gu vhikela gikhati u dugago ni gikhati u belago, gukhugela olu kala gupindruga.

Isaya 37:28

Aholu eni nyi ngu mati makhalelo yago, ni gubela ni guduga gwago, gumogo ni gikhati u gorogago, u nyi wugela.

Isaya 65:16

Ni wevbini a lombago gikategiso omu mafuni, a na kategiswa khu Nungungulu nya lisine, ni wevbini a na gu sambanyago mafuni, a na sambanya khu Nungungulu nya lisine; kholu gugaradzega gwaye gwa gale gu na divaledwa; gu sihidwe mbeli gwangu.

Jeremiya 12:16

Va gu bani va hevbude dzindzila dza vathu vangu, gasi va sambanya khu lina langu, khavo: Khu Pfhumu Nungungulu a vbanyago; kha nga olu u hevbudzidego vathu vangu gu sambanya khu Bhahali, khu guralo, avo va na vbaha vbakari nya vathu vangu.

Mitengo 27:17

muthangeli a na thangago mbeli gwawe, gasi vathu vago va si gimbili kha nga tshambi nyambana muhavisi.”

Matewu 5:16

Khu kharato wu na dzure mwenge wanu mahoni nya vathu, gasi, va wone mithumo yanu nya yadi, va dhumise Babe wanu a guromo Ndzadzini.

Dhewuteronome 10:20

U na ninga githawo Pfhumu Nungungulu wago, u khozela Uye basi, u namarela avbo gwaye, u sambanya khu lina laye.

Josuwa 22:30

Avbo va nga pwago magana ya sanana sa Rubheni, sa Gadhi ni ya gipandre nya lihundzu la na Manasi, muphasi nya mhamba Fineya, vathangeli nya tshangano ni vathangeli nya sikwata nya likhumi mazana (1.000) sa va na Israyeli, va nga bani vari gumogo naye, va di nengela.

1 Pedro 2:12

Mavbanyelo yanu vbakari nya va nya mayigo gu vbwetega nari mavbanyelo nya yadi. Gasi va gu mi singedza guvivba, va konwe khu mithumo yanu nya yadi, va fela gu rungudza Nungungulu litshigu a natago.

1 Pedro 3:16

Aholu, girani esi khu monyo nya gurule ni githawo, kha nga vathu va tengidego mapimoni gwawe, gasi mwa gu vadwa, vale va ganelago guvivba khu mavbanyelo yanu nya yadi nya wukristo, va na khala dzitshoni.

1 Samuweli 20:3

Khu guralo, Dhavhidhe a di gira gisambanyo a ganela, khuye: “Babe wago a ngu dziti gwadi gukhuye eni nyi manide wuwadi nya wukhongolo monyoni gwago, a di pimisa, khuye: Jonatane a nga siti esi gasi a si khuveki. Khu guralo, eni nyi ngu sambanya khu Pfhumu Nungungulu a vbanyago gukheni nyi womo ndzilani nya gufe.”

1 Samuweli 28:10

Khavbo avbo, Sawule a di sambanya khu lina la Pfhumu Nungungulu a ganela, khuye: “Nyi ngu sambanya khu lina la Pfhumu Nungungulu a vbanyago gukheni, gimwalo ni gimwegyo gitsayiso gi na gu gu dugelelago khu kotani nya isoso.”

1 Samuweli 29:3

Manganagana nya Vafilisitiya ma di ganela, khavo: “Gasi Vahebheru vava va guvbweta ginani avba.” Akisi a di va phindrula, khuye: “Ina kamwe kha mu mutini Dhavhidhe, githumi gya Sawule, mufumeli wa Israyeli, gani?” Gu ngu vbindra myaga na nyiri naye, gimwalo gihoso nyi gi manidego gwaye gukhugela litshigu a thavidego ga va na gyawe kala muhuno.

1 Samuweli 29:7

Khu guralo, olu bwelela khu gurula, gasi u si khunguvanyisi manganagana nya Vafilisitiya.

1 Samuweli 5:8

Khavbo avbo, va di rumela myango guya ramba manganagana yatshavbo nya Vafilisitiya, va ma wudzisa, khavo: “Hi na gira ginani khu Ngasa ya Nungungulu wa Israyeli?” Avo va di hakha, khavo: “Yi na dzegwe Ngasa ya Nungungulu wa Israyeli, yi yiswa Gati.” Va di rwala Ngasa ya Nungungulu wa Israyeli, va vbindra khu lidhoropa ni lidhoropa, kala va yi vbohisa Gati.