1 Samuweli 27:11 - Bhibhiliya Nya Guage

¹¹ Dhavhidhe a di si tsetseleli, a di songa vama ni vanyamayi, kholu a di thava gukhuye va nga vbohisa magana yaya Gati, va ta mu thuledza, khavo: “Dhavhidhe a di gu gira esi.” Egi a diri giolovedzo gyaye khu matshigu yatshavbo a khadego tigoni ga Vafilisitiya.

1 Samuweli 27:11 Iomraidhean Croise

Mavingu 12:19

Magana nya lisine ma gu simama kala gupindruga, aholu lidimi li ganelago malipha, kha li vbohi hwindzo.

Mavingu 29:25

Guthava muthu gu dzi dembela naphwi, aholu uye thavago Pfhumu Nungungulu, a na mana guvbanya.

Jeremiya 41:4

Khu litshigu li landrelago, hwane nya gu bani na songidwe Gedhaliya, na si si gu tidwi khu muthu,

1 Samuweli 22:22

Khavbo avbo, Dhavhidhe a di embela Abhiyatari, khuye: “Litshigu lile eni nyi di gu dziti gwadi, gukheni Dhowegi Muedhomi, kha na ngaya diga guya embela Sawule, gukhuye a nyi wonide. Nandru nya lufu la ndrangani ga babe wago, womo vbatshani gwangu.

1 Samuweli 27:10

Avbo Akisi a nga bani a gu wudzisa, khuye: “Gasi muhuno mu di gu sasela hayi?” Dhavhidhe a di hakha, khuye: “Hi di sasela Marandzi ga Judha, Marandzi ga Vajerameli ni Marandzi ga Vakheni.”

1 Samuweli 27:12

Akisi a di gu tumba ngudzu Dhavhidhe, na gu alakanya gukhuye: “Dhavhidhe a dzi girede livengo tigoni gwawe ga Israyeli; uye a na khala githumi gyangu kala gupindruga.”

1 Samuweli 30:2

Va di dzegide vanyamayi va nga bani na vari umomo va va gira dzikhumbi; mwalo va nga mu songago, nya va dugwane mwendro nya vakhongolo; va di va dzega basi va hongola navo.