1 Samuweli 26:4 - Bhibhiliya Nya Guage

⁴ a di rumela vasoli vaya mana lisine nya gupwani khu lisine kamwe Sawule vbohide.

1 Samuweli 26:4 Iomraidhean Croise

Matewu 10:16

“Wonani, nya gu mu rumelani kha nga dzinvuta vbakari nya masolwa; khu kharato, gengelani kha nga dzinyoga; mu rula kha nga matuva.

Josuwa 2:1

Josuwa, mwamana wa Nuni, a di rumela khu gisihaledza tigoni ga Kitimi vasoli vavili a va embela, khuye: “Indrani mu ya holelela gwadi litigo ni lidhoropa la Jeriko.” Va di hongola vaya bela ndrangani ga nyamayi moyo nya gibhayi, lina laye a ranwago pwani Rahabhi, avbo va nga ya khalago avbo.

1 Samuweli 26:3

Sawule a diya zumba gigomoni gya Hakila, gi khedzanago ni giwula gya Jesimoni, aholu Dhavhidhe a di simama gu khala giwulani, na gu dziti gukhuye Sawule a guta mule gasi guta mu vbweta,

1 Samuweli 26:5

Khavbo avbo, Dhavhidhe a di khuga a hongola avbo a nga bani na gu ghovide avbo Sawule, aya wona avbo a nga bani na lade Sawule ni Abhineri, mwamana wa Neri, Muthangeli nya masotshwa. Sawule a di lade lizumboni na randredwe khu masotshwa.