1 Samuweli 26:25 - Bhibhiliya Nya Guage

²⁵ Khavbo avbo, Sawule a di embela Dhavhidhe, khuye: U na kategiswe uwe mwanangu Dhavhidhe, kholu u girago silo nya sikhongolo, u dugelela ngudzu. Khavbo avbo, Dhavhidhe a di simama ni ndzila yaye, Sawule a bwelela wulanga waye.

1 Samuweli 26:25 Iomraidhean Croise

Genesi 32:28

Khavbo avbo, a di mu embela, khuye: “Khu na ranwa gambe Jakobe; aholu u na ranwa gupwani khuwe Israyeli; kholu u dwanide ni Nungungulu ni vathu, u pade.”

Mavingu 26:25

Ambari a gu tshambisela gu ganela u nga khodwi, kholu monyoni gwaye, gu tade khu wulala nya gu enedze livbandre na dzimbili dzinyondro.

Isaya 54:17

Matshari yatshavbo ma giridwego gasi gu gu sasela, kha ma na gu gira gilo; ni watshavbo uye a vbwetago gu gu lumbedza malipha, uwe u na mu kona; eyi khiyo thomba ya sithumi sa Pfhumu Nungungulu, ni gululama gwawe gwa guta khiyo gwangu; a ngu ganela Pfhumu Nungungulu.

Hoseya 12:4

Dwanide ni ngilozi kala a yi pala; lide a lomba gu kategiswa. Tshanganide ni Nungungulu dhoropani ga Bheteli, avbo a nga ganelago naye.

Varoma 8:35

Khu mani a na gu hi hambanisago ni lihaladzo la Kristo? Khu gusaniseka, khu sigaradzo, khu guvengwa, khu ndzala, khu wusiwana, khu dzimhango, mwendro khu gufa, gani?

Varoma 8:37

Aholu ga satshavbo sesi, ethu hi pade khu tshivba ya wule a nga hi haladzago.

1 Samuweli 24:19

Ina muthu a gu manana ni nala waye a ngu kodza gu mu diga a hongola, gani? Khu guralo, Pfhumu Nungungulu a na gu ninge tshatshazelo nya wuwadi, khu kotani nya esi u nyi giredego muhuno.

1 Samuweli 24:20

Gasi olu nyi ngu dziti nya gukheni uwe u na bani nuri mufumeli ni gukheni mufumo wa Israyeli wu na tiya mandzani gwago.

1 Samuweli 24:22

Khavbo avbo, Dhavhidhe a di sambanya ga Sawule, khu guralo uye a di hongola gaya gwaye; aholu Dhavhidhe ni masotshwa yaye va di gwela vaya khala likhokholani.