1 Samuweli 26:19 - Bhibhiliya Nya Guage

¹⁹ Gasi olu, uwe mufumeli mune wangu, nyi ngu gu lomba u yingise magana ya githumi gyago; a gu bani nari Pfhumu a gu kutsedzelago gu dwana ni eni, Uye a na dzumele nyi mu girela ningelo nya phaso nya guhodza; aholu a gu bani nari vathu, va na vadwe mbeli ga Pfhumu Nungungulu; kholu avo muhuno va nyi tutumiside gasi eni nyi si hakhi gipandre nya thomba ya Pfhumu Nungungulu, va nyi embela, khavo: Indra uya thumela vambe vanungungulu.

1 Samuweli 26:19 Iomraidhean Croise

Genesi 44:18

Khavbo avbo, Judha a di hidzimela ga Josefa a ganela, khuye: “Wuhindzi wago, pfhumu yangu, dzumedzisa githumi gyago gi ganela likana limwedo basi ndzeveni ga pfhumu yangu, likhulo lago li nga khondreli githumi gyago! Kholu uwe u idzosaye ni Faro.

Genesi 8:21

Pfhumu Nungungulu a dipwa gunengela gwadi nya ningelo wule, a gu ganela, khuye: “Gima kha nyi na nga vala gambe litigo khu kotani nya gughohe ga muthu. Ambari olu muthu gukhugela wananani gwaye a alakanyelago guvivba monyoni gwaye. Aholu, Eni gima kha nyi na nga fuvisa gambe sirengo satshavbo si vbanyago, kha nga edzi nyi giridego.”

2 Samuweli 14:16

Kholu mufumeli a na yingisa, a vbulugisa eni githumi gyago mandzani ga oyu a vbwetago gu nyi mbembisa gumogo ni mwamana wangu umo nya thomba ya Nungungulu.

2 Samuweli 16:10

Mufumeli a di khuye: “Ginani nyi gu nagyo nanu enu madzahanu ya Zeruwa? Mu digeni a hembulule, Pfhumu Nungungulu a gu bani a mu rumide gukhuye vala Dhavhidhe, khu mani a na mu embelago, khuye: Khu ginani u girago isoso?”

2 Samuweli 16:11

Dhavhidhe a di engedza a embela Abhisayi, ni vathu vaye, khuye: “Ambari gyanana gya mahembeni gwangu gi vbwetago gu nyi songa, a na tandrega kharini mubhejami yoyu? Mu digeni a nyi hembulula kha nga a rumidwego khu Pfhumu Nungungulu.

2 Samuweli 20:19

Eni nyi moyo nya va nya gurula ni gutumbega tigoni ga Israyeli; gasi uwe wa gu vbweta gu mbembisa lidhoropa leli li gu mayi nya madhoropa ya Israyeli. Khu ginani u vbwetago gu fuvisa thomba ya Pfhumu Nungungulu?”

2 Samuweli 21:3

Dhavhidhe a di embela va na Gibheyoni, khuye: “Mwa gu vbweta gukhenu nyi mi girela ginani? Nyi mi tsakisa khu ginani gasi mu kategisani thomba ya Pfhumu Nungungulu.”

2 Samuweli 24:1

Likhulo la Pfhumu Nungungulu li di engedza li wugela va na Israyeli; a di kutsedzela Dhavhidhe gu va wugela a ganela, khuye: “Gimbila u ya saya va na Israyeli ni va na Judha.”

1 Dzipfhumu 22:22

Ilo li di hakha, khilo: Eni nyi naya duga nyi khala liphuvbo nya vaprofeti nya malipha kanani ga vaprofeti vaye vatshavbo. Khavbo avbo, Pfhumu Nungungulu a di li ruma, khuye: Lisine, gimbila uya gira kharato kha nga idzo u ganedego; u naya mu kanganyisa.”

1 Dzikoronika 21:1

Khavbo avbo, Sathane a di wugela va na Israyeli, a kutsedzela Dhavhidhe gu gira gilovela nya vathu va na Israyeli.

Dzindzimo 120:5

Libango langu, eni nyi gu muluveli tigoni ga Meseki nyi vbanyago mitshatshani ya Kedhari.

Dzindzimo 20:4

A na gu ninge esi monyo wago wu suvago, a tiyisa satshavbo u pimisago gu gira!

Mavingu 30:10

U nga lembi githumi mbeli ga mune waye, kholu, a nga gu vala a gu rwega nandru.

Isaya 60:5

Avbo u na si wonago u na nengela, monyo wago wu na ghavata khu gunengela, kholu va na resa gwago dzithomba dza sidwani, u na resedwa ni dzithomba nya mayigo.

Levhi 26:31

Madhoropa yanu nyi na ma gira marumbi, nyi khungumulela malanga yanu nya miphaso, gima kha nyi na tsakiswa khu gunungela nya mahema nya miphaso yanu.

Mitengo 36:7

Khu kharato, thomba ya va na Israyeli kha yi na dzumedziswa gu duga khu ga lihundzu, yi bela ga limbe lihundzu. Sanana sa na Israyeli, moyo ni moyo a na namarele ga thomba ya vababe vaye.

Mitengo 36:9

Khu guralo, ni mweyo thomba yi nga khugi khu ga limbe lihundzu yi hongola ga limbe nya guhambane, kholu, lihundzu ni lihundzu nya sanana sa Israyeli gu vbwetega li sayise thomba yaye.”

Varoma 14:15

Uwe wa gu khunguvanyisa ndriyago khu kota nya esi u hodzago, khu yeyedzi lihaladzo. Khu kota nya guhodze gwago u nga dzi giri givangelo nya gudzimedze muthu a fedwego khu Kristo.

Vagalatiya 5:12

Gasi khu mahungu ya ava va mi garadzago, gukheni a diri tshukwana va dzegela gu dzi thena si vbela.

Dhewuteronome 13:3

u nga yingisi magana ya muprofeti yoyo mwendro mulori yoyo; kholu Pfhumu Nungungulu wanu, a gu mi linga gasi gu wona gukhuye mu ngu haladza Pfhumu Nungungulu wanu, khu monyo wanu watshavbo ni hefemulo wanu watshavbo.

2 Thimoti 4:14

Alesandre, mupfhuli nya dzisimbi a nyi hosede ngudzu; Pfhumu a na mu bweledzela mayelano ni mithumo yaye.

1 Samuweli 18:10

Khu litshigu li landrelago, Sawule a di beledwa khu liphuvbo nya guvivbe nya gurumedwe khu Nungungulu, a di phela gu regerela mihamuhamu nyumbani gwaye, Dhavhidhe a di womba gitendre kha nga mambe matshigu. Khu gikhati gyogyo, Sawule a di pharide litshari mandzani,

1 Samuweli 24:9

Dhavhidhe a di embela Sawule, khuye: “Khu ginani u yingisago magana nya vathu va gu embelago gukhavo: Dhavhidhe a ngu vbweta gu gu gira guvivba?”

1 Samuweli 25:24

A di thega migondroni gwaye a ganela, khuye: “Oh! Mune wangu, nandru yoyu wu na thegele eni; dzumela gukhuwe githumi gyago gi ganela nago, upwa magana ya githumi gyago.

1 Samuweli 27:1

Khu guralo, Dhavhidhe a di pimisa khu monyoni gwaye, khuye: “Limbe litshigu nyi na tshukha nyi thegela mandzani ga Sawule; kholu, gimwalo nya gyadi nyi na gi girago vbavbandze nya guthavele tigoni ga Vafilisitiya; gasi Sawule a garala khu gu nyi landrelela ga sipandre satshavbo sa Israyeli; khu kharati nyi na vbuluga mandzani gwaye.”