1 Samuweli 26:18 - Bhibhiliya Nya Guage

¹⁸ Dhavhidhe a di engedza gambe, khuye: “Mune wangu, wa gu lundra githumi gyago khu kotani nya ginani? Ginani nyi ghohidego? Gihoso muni u gi manidego mandzani gwangu?

1 Samuweli 26:18 Iomraidhean Croise

Dzindzimo 119:161

Vathangeli nya litigo va gu nyi sanisa nyambana nandru, aholu monyoni gwangu nyi ngu thava mahungu yago.

Dzindzimo 35:7

Kholu na nyiri mwalo nandru va nyi riyede mazinga, vbavbandze nya nandru va nyi kembela liphala gasi nyi thegela umo.

Dzindzimo 69:4

Avo va nyi vengelago, nyambana nandru, vangi ngudzu guvbindra ndzudzu wa hungoni gwangu; vambembisi vangu va na ni tshivba ngudzu, vale va dzi girago valala vangu nyambana fanelo; va gu nyi singedza malipha, va nyi gurumedza gu bweledza iso nyi ngamba ba.

Jeremiya 37:18

Khavbo avbo, Jeremiya a di wudzisa Mufumeli Zedhekiya, khuye: “Gasi gighoho muni nyi gu ghohedego uwe, madhota yago ni litigo lago nya gukala u nyi thela pasoni?

Johane 10:32

Jesu a di khuye: “Nyi mi yeyedzideni mithumo ya yadi yitago khu ga Babe wangu; khu wevbini wakone nya gughoheke mu vbwetago gu nyi pfara khuwo?”

Johane 18:23

Jesu a di mu hakha, khuye: “Nya gubani nyi hosiside, nyi yeyedze gihoso gyakone; aholu, nya gubani nyi ganede gwadi, khu ginani u nyi vetago?”

Johane 8:46

Khu mani nya enu a dzi kodzago gu nyi kona khu gighoho? Nya gu mi embela lisine, khu ginani mu si khodwigo?

1 Samuweli 17:29

Dhavhidhe a di hakha, khuye: “Ginani olu nyi giridego? Guyeyedza gupwani nyi mwalo ni fanelo nya gubhule, gani?”

1 Samuweli 20:1

Khu hwane, Dhavhidhe a di thava khu Nayoti, tigoni ga Rama, aya ganela ni Jonatane a mu wudzisa, khuye: “Ginani nyi giridego? Khu wevbini nandru wangu? Gighoho muni nyi giredego nya gukala babe wago a vbweta gu nyi songa?”

1 Samuweli 24:9

Dhavhidhe a di embela Sawule, khuye: “Khu ginani u yingisago magana nya vathu va gu embelago gukhavo: Dhavhidhe a ngu vbweta gu gu gira guvivba?”