1 Samuweli 26:16 - Bhibhiliya Nya Guage

¹⁶ Khwa gira iso nya sadi; nyi ngu sambanya khu Pfhumu Nungungulu a vbanyago gukheni mu ngu yela gu songwa, kholu kha mwa wonelela mune wanu, muthu a todzidwego wa Pfhumu Nungungulu; olu wona lomo hayini litshari la mufumeli ni ngoto nya mati, si nga bani na si romo mihungoni gwaye?”

1 Samuweli 26:16 Iomraidhean Croise

2 Samuweli 12:5

Khavbo avbo, Dhavhidhe a di goroga ngudzu khu muthu yoyo, a embela Natani, khuye: “Nyi ngu sambanya khu Pfhumu Nungungulu a vbanyago, gukheni muthu yoyo a giridego isoso fanede gufa!

2 Samuweli 19:28

Kholu ndranga yatshavbo ya babe wangu, vathu va fanedwago khu gufa mbeli ga mufumeli ni mune wangu, ambari khu kharato, u vegide githumi gyago vbakari nya avo va hodzago vbamezatunu gwago; i fanelo muni gambe nyi yelago gu lomba eni ga mufumeli?”

1 Dzipfhumu 2:26

Aholu ga muphasi nya mhamba Abhiyatari, mufumeli a di mu embela, khuye: “Khuga u hongole mahangeni gwago Anatoti, kholu uwe nuwe u di gu fanedwa khu lufu, aholu muhuno kha nyi na gu songa, kholu u di gu rwala Ngasa nya Gidzumeledzwano mbeli ga babe wangu Dhavhidhe, gambe u tshanisekide gumogo ni babe wangu musigaradzoni gwaye gwatshavbo.”

Dzindzimo 102:20

gasi gupwa gudilela ga vale va khothedwego, ni gu tshula ava va konedwego gu songwa;

Dzindzimo 79:11

Yi na vbohe iyo gwago huwa nya sibotshwa; va vbanye khu tshivba nya wugulu wago vale va konedwego gufa.

Vaefeso 2:3

Ethu hatshavbo hi diri nethu kha nga avo, hi di gu vbanya khu nayo nya tumbunugo ni gu landrisa gunavela nya givili ni monyo. Khu tumbunugo nya makhalelo yathu, hi di gu fanela guya thethiswa khu Nungungulu gumogo ni vambe vathu.

1 Samuweli 20:31

Na nga gu vbanya mwamana wa Jese, uwe ambari ni mufumo wago kha si na tiya. Olu rumela vaya mu rana va mu resa avba gwago, kholu uye fanede gu songwa!”

1 Samuweli 24:6

a di embela masotshwa yaye, khuye: “Pfhumu Nungungulu a na nyi vbulugise gu gira silo nya nga esi ga mune wangu, gu khusa mandza yangu nyi mu songa, kholu muthu wa Pfhumu Nungungulu a todzidwego khu mafura.”

1 Samuweli 26:11

Pfhumu Nungungulu a na ndreyise gu khusa gyandza gyangu nyi songa uye a todzidwego khu mafura khu Nungungulu; gasi olu, dzega litshari li khadego mihungoni gwaye gumogo ni ngoto nya mati, hi hongole.”

1 Samuweli 26:15

Khavbo avbo, Dhavhidhe a di embela Abhineri, khuye: “Ina kamwe u mwama uwe? Khu mani a fananago nago omu tigoni ga Israyeli? Ina ka, khu ginani u ngamba wonelela mufumeli mune wago? Kholu, womo a dzudego wa vbakari nya vathu gasi guta songa mufumeli a gu mune wago.

1 Samuweli 26:9

Aholu Dhavhidhe a di hakha Abhisayi, khuye: “U nga mu songi, kholu khu mani a kodzago gu khusa gyandza gyaye a songa uye a todzidwego khu Nungungulu a si mani nandru?”