1 Samuweli 26:12 - Bhibhiliya Nya Guage

¹² Khu guralo Dhavhidhe a di dzega litshari ni ngoto nya mati si nga bani si romo mihungoni ga Sawule, va hongola; mwalo a nga mu wona, gu mupwa, ambari gu khendzuga, kholu vatshavbo va di gulade, kholu Pfhumu Nungungulu, a di va rumede ligovbe nya likhongolo.

1 Samuweli 26:12 Iomraidhean Croise

Genesi 15:12

Gupfolani nya lidambo, Abrama a di wongomedwa khu ligovbe nya likhongolo, a tala khu hwanga, a dzipwa na fenengedzidwe khu gidema nya guthise.

Genesi 2:21

Khavbo avbo, Pfhumu Nungungulu a di thela ligovbe nya likhongolo muthu a gu lala. Na modwe khu ligovbe, Nungungulu a di mu dusa limbambo limwedo a gu bugisa tshonge wulanga waye.

Isaya 29:10

Kholu, Pfhumu Nungungulu guhude vbatshani gwanu liphuvbo nya ligovbe nya likhongolo, a sega maho yanu, a gu vaprofeti; a fenengedza vathangeli vanu, a gu vama nya liwoni va tugulago misihalo.

1 Samuweli 24:4

Khavbo avbo, masotshwa ya Dhavhidhe ma di mu lembela, khayo: “Khilo eli litshigu lile Pfhumu Nungungulu a gu embedego, khuye: Nyi na ningela mandzani gwago valala vago gasi u va gira iso u na si golago.” Khu vbale Dhavhidhe a di hongola khu guvandramela aya pila tshoka nya gifenengelo gya Sawule, uye nyamba pwa gilo.

1 Samuweli 26:13

Avbo Dhavhidhe a nga vbohago khu limbe liphuvbo, a di ema khu vbatshani nya gigomo, khu hwindzo na va hambanide khu pfhukha nya khongolo.

1 Samuweli 26:7

Khavbo avbo, Dhavhidhe ni Abhisayi va dita ni wutshigu wowo lizumboni, Sawule a di lade, na zimide litshari laye mafuni khu mihungotunu; Abhineri ni masotshwa va di lade va mu randrela.