1 Samuweli 26:10 - Bhibhiliya Nya Guage

¹⁰ Dhavhidhe a di engedza gambe, khuye: “Nyi ngu sambanya khu Pfhumu Nungungulu a vbanyago, kheni Uye Pfhumu Nungungulu a na mu songa, mwendro la gu vboha litshigu laye a nafa, mwendro a gu hongola nyimbitunu a naya songwa.

1 Samuweli 26:10 Iomraidhean Croise

Genesi 47:29

Na ma gu hidzimela matshigu nya gufe ga Jakobe, a di ranisa mwanaye Josefa a mu embela, khuye: “Nya gu bani nyi manide wuhigo mbeli gwago, nyi ngu gu lomba u vege mandza yago vbanyongatunu gwangu u nyi girela wuwadi ni gu tumbega, nyi ngu gu lomba u nga nyi dzingi tigoni ga Egipito.

Joba 14:14

Naripwani muthu a gufa, a ngu dzi kodza guwuga a vbanya gambe, nyi di hadza gu tiyisela sigaradzoni gwangu gwatshavbo kala nyi wona gutshudziswa gwangu.

Joba 14:5

Matshigu nya muthu ma pimidwe u sayede tengo nya migima yaye, u mu vegede vbingano uye a gumba wu kodza gu wu ndraga.

Joba 7:1

“Ina gikhati nya guvbanye ga muthu mafuni momu khandri a gu dwana, gani? Matshigu yaye kha ma fanani ni ya muthu a thodwego, gani?

Dzindzimo 37:10

Aholu khadukhadu, kha gu na wonega gambe muthu nya guvivbe, u na vbweta gu wona wulanga waye u si wu mani,

Dzindzimo 37:13

aholu Pfhumu a na mu hega, kholu a ngu wona gukhuye matshigu yaye ma vbohide.

Dzindzimo 94:23

Va nya guvivba va na mbembiswa khu sighoho sawe, va wugedwa khu mithumo yawe, Pfhumu Nungungulu wathu a na va vbedza kamwe!

Muhevbudzi 3:2

Gyomo gikhati nya guvelegwe, ni gikhati nya gufe; gikhati nya guyale, ni gikhati nya guvbwere esi si yadwego;

Luka 18:7

Ina Nungungulu khuye a na gumba lamula sihathwa saye, si mu ranago wutshigu ni mihani, ambari a gu gira gukhwatshi a gu hwela, gani?

Varoma 12:19

Vandruye, mu nga dzi phodzelini mwabune, digani Nungungulu a tsayise, kholu Pfhumu a ngu ganela omu nya Milowo nya Guage, khuye: “Eni kheni nyi gu ni fanelo nya gutsayise; kheni nyi na tshatshazelago.”

Dhewuteronome 31:14

Pfhumu Nungungulu a di embela Mosi, khuye: Nyi ngu wona nya gukheni matshigu yago nya gufe ma ngu hidzimela; khu guralo, rana Josuwa mu ta dzi bikela umo nya Tshatsha nya Tshangano, gasi nyi ta mu ninga milayo yangu. Khavbo avbo, Mosi ni Josuwa va di ya dzi wonegisa umo nya Tshatsha nya Tshangano.

Dhewuteronome 32:35

Guphodza ni gubweledzela sa gu lumba eni, li na vboha litshigu eli ngondro wawe wu na kwirigago; kholu mahegiso gwawe gu na vboha nyamba hwela, silo va dongisedwago si nguta khu guvbiredza.

Vahebheru 10:30

Kholu hi ngu muti gwadi oyu a nga khuye: “Guphodza ni gubweledzela sa gu lumba eni. Nyi na ninga tshatshazelo.” A engedza gambe, khuye: “Pfhumu yi na lamula vathu vaye.”

Vahebheru 9:27

Muthu ni muthu emede gufa gumogo basi, khu hwane nya ugo, a lamudwa khu Nungungulu.

Gutuledwa 18:8

Khu kharato, khu litshigu limwedo yi nata mitungu yaye khu gipitipiti: Gufa, gililo, ndzala; a na tsagamiswa khu nilo, kholu Pfhumu Nungungulu a mu lamudego, a na ni tshivba.”

1 Samuweli 24:12

Pfhumu Nungungulu a na lamule eni ni uwe, a na nyi phodzele Pfhumu Nungungulu khu kotani yago, aholu eni kha nyi na nga khusa mandza yangu nyi gu kuha.

1 Samuweli 24:15

Pfhumu Nungungulu a na khale mulamuli vbakari gwangu ni uwe, a na nyi khedze, a wona mahungu yangu, a nyi lamula ni gu nyi vbulugisa mandzani gwago.”

1 Samuweli 25:26

Gasi olu, uwe mune wangu, nyi ngu tiyisa khu gu sambanya mbeli ga Pfhumu Nungungulu a vbanyago, ni hefemulo wago, gukheni khu Pfhumu Nungungulu, a gu himbedzedego gu vbaladza novba ni gu dzi phodzela uwe khu mandza yago. Khu guralo valala vago ni vatshavbo va vbwetago gu gira guvivba ga mune wangu, va na godze Nabhali.

1 Samuweli 25:38

Na gu vbindride likhumi matshigu, Pfhumu Nungungulu a dita veta Nabhali, afa.

1 Samuweli 25:39

Avbo Dhavhidhe a nga pwago gupwani Nabhali fude, a di ganela, khuye: A na bongwe Pfhumu Nungungulu uye a emidego ni eni khu mahungu nya guvadwe khu Nabhali, a nyi vhikela gu gira guvivba, Pfhumu Nungungulu, a gira Nabhali a thegedwa khu guvivba a gu giridego hungoni gwaye. Dhavhidhe a di rumela guya embela Abhigayili gukhuye a di gu gola gu a khale mwangadzi waye.

1 Samuweli 31:4

Khavbo, Sawule a di embela muphari nya matshari yaye, khuye: “Homola litshari lago u nyi paya khilo, gasi nyi siti paywa khu va nya misutu vava, va bwelo va hagana khu girumbi gyangu.” Aholu muphari nya matshari yaye, kha dzumela gu gira isoso, kholu a di gu thava ngudzu; khavbo avbo, Sawule a di dzega litshari laye a dzi rinya vbatshani gakone.

1 Samuweli 31:6

Khu kharati, Sawule a difa ni sanana saye sa siraru gumogo ni muphari nya matshari yaye, masotshwa yaye yatshavbo ma fude nayo khu litshigu lile gumogo naye.