1 Samuweli 25:39 - Bhibhiliya Nya Guage

³⁹ Avbo Dhavhidhe a nga pwago gupwani Nabhali fude, a di ganela, khuye: A na bongwe Pfhumu Nungungulu uye a emidego ni eni khu mahungu nya guvadwe khu Nabhali, a nyi vhikela gu gira guvivba, Pfhumu Nungungulu, a gira Nabhali a thegedwa khu guvivba a gu giridego hungoni gwaye. Dhavhidhe a di rumela guya embela Abhigayili gukhuye a di gu gola gu a khale mwangadzi waye.

1 Samuweli 25:39 Iomraidhean Croise

2 Samuweli 1:16

Khavbo avbo, Dhavhidhe a di mu embela, khuye: Novba wago, wu na thegele hungoni gwago, kholu likana lago li ngu gu fakazela, avbo u nga ganela, khuwe: “Kheni nyi nga songa uye a todzidwego wa Pfhumu Nungungulu.”

1 Dzipfhumu 2:44

Mufumeli a di engedza gambe ga Simeyi, khuye: “Uwe u ngu guti gwadi khu monyoni gwago guvivba gwatshavbo u giredego babe wangu Dhavhidhe. Khu guralo, Pfhumu Nungungulu a na bweledzela hungoni gwago guvivba gwago.

Dzindzimo 7:16

Guvivba gwaye gu na thegela hungoni gwaye, a na pfarwa hungo khu wughevenga waye.

Dzindzimo 9:5

U kawukide mayigo, u fuvisa vathu nya guvivbedwe khu monyo, u futide malina yawe kala gupindruga.

Mavingu 18:22

Uye a manago nyamayi a manide litsako, a manide makategwa ya Pfhumu Nungungulu.

Mavingu 19:14

Nyumba ni gutala nya silo, thomba hi tshiyedwago khu vavelegi, gasi gu mana nyamayi nya mapimo giningwa gya Pfhumu Nungungulu.

Mavingu 22:23

kholu Pfhumu Nungungulu a na vhikela mahungu yaye gulamudwani, gambe a na songa vatshavbo avo va va phangago.

Mavingu 31:10

Khu mani saye a kodzago gu mana nyamayi nya wadi, kholu tengo waye wungi guvbindra siwindri nya gukhedzige.

Mavingu 31:30

Guyedwa gu ngu pfhadza, ni wumburi wu ngu vbela, aholu nyamayi a thavago Pfhumu Nungungulu, khuye a zundzegago.

Gizimba 8:8

Vandruye—Hi na ni ndriyathu a ngarigu gyanana, a si gu dugigo mavele. Gasi hi na khethu ginani khuye, litshigu va na gu lombago gu a dzegwa?

Mikeya 7:9

Nyi na rwala likhulo la Pfhumu Nungungulu, kholu nyi mu ghohedego; kala a vhikela mahungu yangu a nyi lamula; a na nyi yisa guwonegelani nyi nata wona gululama gwaye.

2 Vakorinto 13:7

Nya gu lomba ga Nungungulu, kheni mu nga giri guvivba. Khandri khu kota nya gufele gu hi hakhwa, nya gu vbweta gukheni mu gire esi nya sadi, ambari hi wona nga khwatshi kha ha hakhwa.

1 Vatesalonika 5:23

Nungungulu nya gurule a na agise ni gu sayisa sivili sanu ni mihefemulo yanu kala a wuya Pfhumu yathu Jesu Kristo.

2 Thimoti 4:18

Pfhumu a na nyi vbulugisa guvivbani gwatshavbo, a na nyi ninga guvbanya Wufumuni gwaye wa ndzadzini. Wudhumo wu na ningwe Uye kala gupindruga. Amen.

Valamuli 5:2

“Kha nga olu vathangeli va thangedego Israyeli, vathu navo va dzi ningede wurumba wawe khavbo gu vbeledego. Bongani Pfhumu Nungungulu!

1 Samuweli 24:15

Pfhumu Nungungulu a na khale mulamuli vbakari gwangu ni uwe, a na nyi khedze, a wona mahungu yangu, a nyi lamula ni gu nyi vbulugisa mandzani gwago.”

1 Samuweli 25:26

Gasi olu, uwe mune wangu, nyi ngu tiyisa khu gu sambanya mbeli ga Pfhumu Nungungulu a vbanyago, ni hefemulo wago, gukheni khu Pfhumu Nungungulu, a gu himbedzedego gu vbaladza novba ni gu dzi phodzela uwe khu mandza yago. Khu guralo valala vago ni vatshavbo va vbwetago gu gira guvivba ga mune wangu, va na godze Nabhali.

1 Samuweli 25:32

Khavbo avbo, Dhavhidhe a di embela Abhigayili, khuye: “A na bongwe Pfhumu Nungungulu wa Israyeli, a gu rumedego muhuno gu nyi khinga.

1 Samuweli 25:34

Kholu, nyi ngu tiyisa mbeli ga Pfhumu Nungungulu wa Israyeli, a nyi himbedzedego gu gu girela guvivba, naripwani khwa nga vbiredzela gu nyi khinga, mindru vbadzimindrutunu, ndrangani ga Nabhali, na ga sa tshala ni moyo basi mwama.”

1 Samuweli 25:40

Avbo sithumi sa Dhavhidhe si nga hongolago ga Abhigayili, dhoropani ga Karimelo, si diya mu embela, khiso: “Dhavhidhe a hi rumede avbo gwago, gasi hi ta gu dzega u khale mwangadzi waye.”

1 Samuweli 26:10

Dhavhidhe a di engedza gambe, khuye: “Nyi ngu sambanya khu Pfhumu Nungungulu a vbanyago, kheni Uye Pfhumu Nungungulu a na mu songa, mwendro la gu vboha litshigu laye a nafa, mwendro a gu hongola nyimbitunu a naya songwa.