1 Samuweli 25:36 - Bhibhiliya Nya Guage

³⁶ Avbo Abhigayili a nga bwelelago ga Nabhali, a diya mu mana na gu gira buzo nya nga wa mufumeli, na tsakide ngudzu monyoni gwaye, kholu a di levide ngudzu, Abhigayili kha nga mu embela gilo kala gugya.

1 Samuweli 25:36 Iomraidhean Croise

2 Samuweli 13:23

Na gu vbindride myaga mivili, Abhisalamo a diri ni vagayi nya dzinvuta dzaye, tigoni ga Bhahali-Hazori, a guromo vbafuvbi ni Efrayimi, Abhisalamo a di ramba sanana satshavbo nya sikhwathana sa mufumeli.

2 Samuweli 13:28

Abhisalamo a di leletela madzaha yaye, khuye: Khedzani gwadi, gikhati monyo wa Amoni wu na gu bani wu tsakide khu wadwa, eni nyi na mi embelani, kheni: Songani Amoni, enu mu songeni nyambana hwanga, kholu kheni nyi mi rumago! Tiyani mu khale vama nya dzindrena.

2 Samuweli 3:20

Abhineri gumogo ni magumavili vama a di hongola dhoropani ga Hebroni gasi gu ya manana ni Dhavhidhe; Dhavhidhe a di girela buzo nya gunengele Abhineri ni vathu va nga mu bangaladzago.

1 Dzipfhumu 20:16

Nyimbi yi di phela ni mihani, gikhati Bheni-Hadhadhi ni vafumeli vaye nya magumararu na vavili va nga bani na va gu sela mawadwa ni gu leva mitshatshani gwawe.

Dzindzimo 112:5

Kategide muthu a pwelago wuhindzi a lombisa; a gimbidzisago silo saye khu gululama.

Mavingu 20:1

Vbinyu yi ngu dhadhavadzisa muthu; ni wadwa wu ngu vanga ligwaha, ni wevbini a dzi ningelago avbo gwaye, mwalo mapimo.

Muhevbudzi 10:19

Guhodza gu ngu tshamba, ni wadwa wa gu tsakisa monyo, gambe satshavbo sa gu manwa khu dzitsapawu.

Isaya 28:3

Gihugu nya wufumu nya matshandza nya sidhakwa sa Efrayimi, gi na gandredzedwa khu migondro.

Isaya 5:11

Libango ga avo va vindrugelago gu wuga va landrisela mawadwa, va sela, va leva, kala ni vbakari nya wutshigu va vbiswa, khu wadwa.

Jeremiya 51:57

Pfhumu Nungungulu a ngu ganela, khuye: “Nyi na levisa vathangeli ni vagengeli vawe, vafumeli, dzindruna ni masotshwa yawe, va na lala ligovbe nya gupindruge nyamba khendzuga gambe; a ngu ganela Mufumeli, lina laye a gu uye Pfhumu, Nungungulu nya Tshivba Yatshavbo.

Hoseya 4:11

Wubhayi, vhinya ya gale ni wadwa, si ngu songa mapimo.

Nahume 1:10

Kholu ambari na va tshunganede kha nga miba, va gu fanana ni vathu nya guleve khu wadwa, va na vbiswa nga mwasi nya gubange.

Matewu 10:16

“Wonani, nya gu mu rumelani kha nga dzinvuta vbakari nya masolwa; khu kharato, gengelani kha nga dzinyoga; mu rula kha nga matuva.

Luka 14:12

Khavbo avbo, a di embela wule a nga mu ranago, khuye: “Wa gu dongisela buzo nya gukari, u nga rani dzipari dzago, vandriyago, valongo, vaakelane vale nya sitetema; u pima gukhuwe avo navo va na gu rana, gasi va gu bweledzela.

Luka 21:34

“Dzi woneleni, mu nga pfhali khu limidzo ni gu leva, gambe mu nga pfhadzwi khu sigaradzo nya guvbanye! Mu ngata manwa khu litshigu lolo na mu pfhade,

Varoma 13:13

Hongoleni hi vbanye khu gululama nga vathu va vbanyago safani nya mihani; hi nga vbanyeni khu wukhondrobwa ni guleva; hi nga vbanyi wuphuphuluni ni mithumo nyamba yadi; hi nga vbanyeni khu gu dwana ni lidiwo.

Vaefeso 5:14

kholu silo satshavbo sa gu khala guwonegelani, sa gu wenengedzwa. Khidzo gu ganedwago pwani: “Khendzuga uwe u ladego, wuga khu ga vafudego, Kristo a na gu wenengedza.”

Vaefeso 5:18

Mu nga levi khu wadwa mu nga dwanisana, aholu khalani na mu tade khu Liphuvbo nya Guage.

1 Samuweli 25:19

a embela madzaha yaye, khuye: “Thangani mbeli gwangu, nyi na mi landrelani.” Aholu uye kha nga embela gilo mwama waye Nabhali.

1 Samuweli 25:37

Na gugide ni dzimindru, Nabhali na hawulugide wadwa, mwangadzi waye a di mu embeledzela magana yatshavbo; khavbo avbo monyo waye wu di vbela tshivba, banga kha nga giwindri.