1 Samuweli 25:32 - Bhibhiliya Nya Guage

³² Khavbo avbo, Dhavhidhe a di embela Abhigayili, khuye: “A na bongwe Pfhumu Nungungulu wa Israyeli, a gu rumedego muhuno gu nyi khinga.

1 Samuweli 25:32 Iomraidhean Croise

Genesi 24:27

a ganela, khuye: “A na rungudzwe Pfhumu Nungungulu wa mune wangu Abrahama, a ngamba diga gu wonegisa wuwadi ni gutumbega ga mune wangu, a nga nyi gimbidzisa kala ndrangani ga valongo va pfhumu yangu.”

1 Dzipfhumu 1:48

Mufumeli a di ganela gambe, khuye: A na bongwe Pfhumu Nungungulu wa Israyeli, a dzinidego gukhuye maho yangu muhuno nyi wone uye a tshinyidzago vbagikhalotunu gwangu nya wufumu.”

1 Dzipfhumu 8:15

A di ganela, khuye: “A na rungudzwe Pfhumu Nungungulu wa Israyeli, a ganedego khu likana laye ga babe wangu Dhavhidhe, a tadzisago olu khu gyandza gyaye gitumbiso a giridego nya gukhuye:

Ezira 7:27

A na rungudzwe Pfhumu Nungungulu wa vababe vathu, uye a vegidego mahungu nya nga aya monyoni ga mufumeli wathu, gasi hi zundza Nyumba ya Pfhumu Nungungulu wa Jerusalema.

Dzindzimo 106:48

A na rungudzwe Pfhumu Nungungulu wa Israyeli, olu kala gupindruga, vathu vatshavbo va na ganele, khavo: “Ameni!” Dhumisani Pfhumu Nungungulu!

Dzindzimo 31:22

Eni, vbakari nya gudilele gwangu, nyi di, kheni: “Nyi dusidwe nyi vegwa hwindzo nya maho yago.” Aholu uwe u di yingisa lito nya gilombo gyangu, gikhati nyi nga lila nyi gu rana.

Dzindzimo 72:18

A na bongwe Pfhumu Nungungulu, Nungungulu wa Israyeli, kholu khuye basi a girago sisamadziso.

Ekisodha 18:10

Jetro a di khuye: “A na rungudzwe Pfhumu Nungungulu a mi vbulugisidego mandzani ga Vagipiti ni mandzani ga Faro, Uye a tshudego vathu mandzani ga Vagipiti.

Luka 1:68

“A na rungudzwe Pfhumu Nungungulu wa Israyeli, kholu endrede vathu vaye ni guta va vbulugisa.

2 Vakorinto 8:16

A na bongwe Nungungulu, a ningidego ligolo monyoni ga Tito, nga eli nyi gu nalo neni khu enu.

Josuwa 22:33

Va na Israyeli va di nengela khu phindrulo va nga yipwago, va bonga Nungungulu; gima kha va nga ganela gambe khu gu vbweta gu va dwanisa, ni gu ghoha litigo va khalago va na Rubheni ni va na Gadhi.