1 Samuweli 25:29 - Bhibhiliya Nya Guage

²⁹ Uye a na gu gu wugelago khu gu vbweta gu gu songa, womi wago wu na patwa gumogo navo va vbanyago ni Pfhumu Nungungulu wago; aholu uwo wa valala vago, wu na dzudzugwa hwindzo kha nga gindzoli.

1 Samuweli 25:29 Iomraidhean Croise

Genesi 15:1

Hwane nya satshavbo sesi, Pfhumu Nungungulu a di wonega ga Abrama a mu embela, khuye: “U nga thavi Abrama. Eni kheni Muvhikeli wago; u na hakha tshatshazelo nya yikhongolo ngudzu.”

2 Samuweli 4:8

Va di resa hungo wa Isobhoseti ga Dhavhidhe dhoropani ga Hebroni, vata embela mufumeli, khavo: “Khuwo owu hungo wa nala wago Isobhoseti, mwamana wa Sawule a nga bani a vbweta gu gu songa. Khu guralo, muhuno Pfhumu Nungungulu, a gu phodzede uwe pfhumu ni mune wangu avbo ga Sawule ni livelego laye.”

Joba 27:22

Nungungulu a na mu veta nyamba mu tsetselela, a na zama gu mu thava a tutuma, a tandrega.

Dzindzimo 116:15

Gu na ni lisima mahoni ga Pfhumu Nungungulu gufa ga sihathwa saye.

Dzindzimo 54:3

Kholu va nya mayigo va ngu nyi wugela, va nya wurena va ngu vbweta gu nyi songa; avo kha va theli kota khu Nungungulu.

Dzindzimo 66:9

uye a vbanyisago mihefemulo yathu; kha dzumela gukhuye migondro yathu yi tshunganela.

Jeremiya 10:18

Kholu Pfhumu Nungungulu a ngu ganela kharati, khuye: “Khu gikhati gegi nyi na va dzudzuga hwindzo vatshavbo vavbanyi va tigoni, nyi na va tshanisa kala va ganela, khavo:

Malakiya 3:17

Pfhumu Nungungulu nya Tshivba Yatshavbo wari, khuye: “Avo va na lumba eni basi, litshigu nyi na wugago nyi thuma thumo wangu. Nyi na va pwela wusiwana kha nga babe a pwelago wusiwana gyanana gyaye gi mu thumelago.”

Johane 14:19

Nugunugu, vathu va mafuni kha va na nyi wona gambe, gasi enu mu na nyi wonani; kholu enu mu na vbanya khu kotani nyi vbanyago.

Johane 17:21

gasi vatshavbo va khale moyo basi; kha nga uwe, Baba u gomo gwangu, eni gwago, avo navo va na khale gwathu, gasi litigo li khodwe gukhilo khuwe u nyi rumedego.

Johane 17:23

Eni gwawe, uwe gwangu, gasi avo va pwanane nya guvbelele, gasi litigo li dziti gwadi gukhilo khuwe u nyi rumedego, ni gukhilo u va gode kha nga idzo u nyi godego khidzo.

Dhewuteronome 33:29

U kategide uwe Israyeli! Khu mani a fananago nago, uwe u gu litigo u vbanyiswago khu Pfhumu Nungungulu! A gu gitshangu gyago gi gu vhikelago, ni litshari nya wugulu wago! Valala vago va na khoziswa mbeli gwago, aholu uwe u na gandredzela malanga yawe nya sigomo!

1 Pedro 1:5

gasi thomba mu vegedwego khu gukhodwa ni gu sayiswa khu tshivba ya Nungungulu, mu mana guvbanya gu guromo vbafuvbi, gasi guta wonegiswa khu gikhati nya guhegise.

1 Samuweli 2:9

Uye a ngu tiyisa migondro ya va nya gululama vaye, aholu va nya guvivbedwa khu myonyo va na mbemba gidemani; kholu mwalo muthu a nga palago khu tshivba yaye.