1 Samuweli 25:23 - Bhibhiliya Nya Guage

²³ Avbo Abhigayili a nga wona Dhavhidhe, a di dzegela gu tshiga khu vbaburutunu a khidzima a nogisa khovbe yaye kala mafuni mbeli ga Dhavhidhe.

1 Samuweli 25:23 Iomraidhean Croise

2 Samuweli 1:2

khu litshigu nya wuraru, gu di vboha muthu na guta khu wughoveloni ga Sawule, dzingandzu dzaye na dzi pferugede, na phorode hungoni khu mafu. Na vbohide vbafuvbi ga Dhavhidhe, a dita thega vbavbatshi a noga a yeyedza githawo.

2 Samuweli 14:4

Nyamayi yoyu wa Tekowa, a di ganela ni mufumeli, a thega vbavbatshi khu khovbe yaye a yeyedza githawo, khuye: “Ama mufumeli, nyi vbanyise.”

2 Samuweli 18:28

Ayimahasi a di laledza a embela mufumeli, khuye: “Gurula!” A di noga mbeli ga mufumeli, a tsitsa khu khovbe mafuni a yeyedza githawo, a ganela, khuye: “A na dhumiswe Pfhumu Nungungulu wago, a hi ningidego mandzani gwathu vathu va nga khusedzago mandza va wugela mufumeli, mune wangu.”

2 Samuweli 9:6

Mefibhoseti, mwamana wa Jonatane, wa Sawule, a dita ga Dhavhidhe, ata khidzima a thega khu khovbe mafuni a yeyedza githawo. Dhavhidhe a di mu rana, khuye: “Mefibhoseti.” Uye a di hakha, khuye: “Nyi womo avba, eni githumi gyago!”

1 Dzikoronika 21:21

Gikhati Dhavhidhe a ngata ga Orinani, uye a di mu wona na gu duga khu vbagithalatunu, a noga mbeli ga Dhavhidhe a thega khu khovbe mafuni.

Josuwa 15:18

Gikhati Akisa a nga hongola ga Otiniyeli, oyu a di ya mu gurumedza gukhuye a lombe lithembwe ga babe waye Kalebi; nyamahegyane a di tshiga khu vbaburutunu gwaye; khavbo avbo, Kalebi a di mu wudzisa, khuye: “Wa gu vbweta ginani?”

Valamuli 1:14

Akisa, gikhati a vbohidego ga mwama waye, a diya mu kutsedzela gukhuye a mu dzumedzise gu lomba lithembwe ga babe waye. Na gu tshiga khu vbaburutunu, Kalebi a di mu wudzisa, khuye: “Wa gu vbweta ginani?”

Rute 2:10

Khu guralo, uye a di khidzima a tsitsa khovbe vbavbatshi, a ganela, khuye: “Khu ginani u nyi girela wuhindzi, na wu gu wona gukhuwe eni nyi wa mayigo?”

1 Samuweli 20:41

Hwane nya gu na li hongode lidzaha, Dhavhidhe a di duga khu phuvbo ga Marandzi nya giwindri, a khidzima guraru a kuha mafu khu khovbe mbeli ga Jonatane. Khavbo avbo, va di vbanganana na va gu bhejarana vatshavbo va di lila; Dhavhidhe khuye a nga lila ngudzu guvbindra Jonatane.

1 Samuweli 24:8

Khu hwane, Dhavhidhe a di duga khu phagoni a huwata Sawule, a mu rana, khuye: “Ama mufumeli, mune wangu!” Avbo Sawule a nga khedza hwane, Dhavhidhe a di noga a yeyedza githawo, a tsitsa khu khovbe mafuni.

1 Samuweli 25:24

A di thega migondroni gwaye a ganela, khuye: “Oh! Mune wangu, nandru yoyu wu na thegele eni; dzumela gukhuwe githumi gyago gi ganela nago, upwa magana ya githumi gyago.

1 Samuweli 25:41

Khavbo avbo, Abhigayili a di kuga a khidzima a kuha mafu khu khovbe, a ganela, khuye: “Githumi gyago nyi velegedwe gu handza migondro ya sithumi sa mune wangu.”