1 Samuweli 25:13 - Bhibhiliya Nya Guage

¹³ Dhavhidhe a di embela masotshwa yaye, khuye: “Moyo ni moyo a na hunge giwununi litshari laye. Khu guralo muthu ni muthu a di hunga litshari laye, Dhavhidhe nuye a hunga laye; va di gwela va landra Dhavhidhe tengo nya mazana mana (400) vama, mazana mavili (200) va di tshala va ghadha sombo.”

1 Samuweli 25:13 Iomraidhean Croise

2 Samuweli 15:18

Vathu vaye vatshavbo va di thanga mbeli gwaye; gumogo ni Vakereti vatshavbo, ni Vapeleti vatshavbo, ni Vageti vatshavbo, va diri livbandre na limwedo mazana va ngata khu Gati khu mawundru va thanga mbeli gwaye.

Mavingu 14:29

Muthu nya litimiselo a na ni mapimo, aholu uye nya gihafane a gu vbiredzela gu yeyedza wupumbu waye.

Mavingu 16:32

Uye a hwelago gu goroga, a ngu vbindra ndrena, ni muthu a kodzago gutimisela a guvbindra uye a phangago lidhoropa.

Mavingu 19:11

Muthu nya mapimo kha vbiredzeli gu goroga, wuzundzo waye, khu gutsetselela sihoso.

Mavingu 19:2

Mahingigedzo nyamba phela khu gupimisa kha ma phasi gilo, gututuma guvbindrwa khu gu gimbila khu gwadi.

Mavingu 20:22

Wa gu giredwa guvivba khu muthu u nga ganeli, khuwe: “Nyi na phodza!” Tumba Nungungulu, uye a na gu phasa.

Mavingu 25:8

Wa gu wona silo, u nga vbiredzeli guya ketsari, kholu muakelane wago a gu danga, u na khuwe ginani?

Josuwa 9:14

Va na Israyeli va di dzumela gu hakha dzisagwati dzawe, nyamba phela khu gu wudzisa Pfhumu Nungungulu.

1 Samuweli 22:2

Vatshavbo vale va nga bani vari ni sigaradzo, ni vatshavbo vale va nga bani vari ni milandru gumogo ni vale va sa tsakago, va di ya tombana gwaye; uye a di khala muthangeli wawe. Va diromo gipimo nya mazana mana (400) vama a nga bani ari navo.

1 Samuweli 23:13

Khavbo avbo, Dhavhidhe a di khuga khu vbale gumogo ni masotshwa yaye, khu tengo nya livbandre na limwedo mazana vama, va di duga khu dhoropani ga Keyila va hongola nyamba tidwa va guya hayi. Avbo a nga tiviswago Sawule gupwani Dhavhidhe khugide khu Keyila, a di thindreka guya mu dwanisa.

1 Samuweli 25:12

Khavbo avbo, madzaha ya Dhavhidhe ma di bwelela khu ndzila yawe, na va vbohide, va di ta tivisa satshavbo iso a nga ganela Nabhali.

1 Samuweli 27:2

Dhavhidhe a di khuga ni masotshwa yaye nya livbandre na limwedo mazana (600) vama, vaya luvela ga Akisi, mwamana wa Mahoki, mufumeli wa Gati.