1 Samuweli 24:7 - Bhibhiliya Nya Guage

⁷ Khu magana yaya Dhavhidhe a di thindrekisa khayo masotshwa yaye a si ma dzumedzisi gu dhumela Sawule. Khu guralo, Sawule a di duga khu phagoni a simamisa ndzila yaye.

1 Samuweli 24:7 Iomraidhean Croise

2 Samuweli 1:14

Dhavhidhe a di mu embela, khuye: “Khu ginani u ngamba thava gu khusedza mandza yago, u songa uye a todzidwego wa Pfhumu Nungungulu?”

Dzindzimo 7:4

nya gu bani nyi bweledzede khu guvivba oyu a nga nyi phasa, nya gu bani nyi digide gu tsayisa oyu a nga nyi hosela,

Matewu 5:44

Gasi eni nyi ngu mi embelani gukheni: Golani valala vanu; lombelelani khu vale va mi sanisago.

1 Samuweli 12:3

Kheni oyu, nya gu bani nyi mi hosede ganelani mbeli ga Pfhumu Nungungulu ni mbeli ga uye a mu todzidego khu mafura; mombe ya mani nyi dzegidego? Buru ya mani nyi dzegidego? Khu mani nyi mu kanganyisidego? Khu mani nyi mu tshanisidego? Nyi hakhide khu mandzani ga mani dzitsapawu nya gurengeledwe gasi nyi sega likana? A gu bani na romo a na ganele, gasi nyi mu bweledzela.

1 Samuweli 24:6

a di embela masotshwa yaye, khuye: “Pfhumu Nungungulu a na nyi vbulugise gu gira silo nya nga esi ga mune wangu, gu khusa mandza yangu nyi mu songa, kholu muthu wa Pfhumu Nungungulu a todzidwego khu mafura.”

1 Samuweli 24:8

Khu hwane, Dhavhidhe a di duga khu phagoni a huwata Sawule, a mu rana, khuye: “Ama mufumeli, mune wangu!” Avbo Sawule a nga khedza hwane, Dhavhidhe a di noga a yeyedza githawo, a tsitsa khu khovbe mafuni.

1 Samuweli 25:33

Gu na bongwe gambe mapimo yago, bwelo khavbo nyi ngu gu bonga, kholu muhuno u nyi thindregiside gu vbaladza novba ni gu dzi phodzela khu mandza yangu.

1 Samuweli 26:23

Pfhumu Nungungulu a na bweledzele moyo ni moyo mayelano khu gutumbega gwaye ni gululama gwaye; kholu Pfhumu Nungungulu, muhuno a di gu gu ningede mandzani gwangu, aholu eni kha nya dzina gu khusa mandza nyi songa uye a todzidwego khu Pfhumu Nungungulu.

1 Samuweli 26:9

Aholu Dhavhidhe a di hakha Abhisayi, khuye: “U nga mu songi, kholu khu mani a kodzago gu khusa gyandza gyaye a songa uye a todzidwego khu Nungungulu a si mani nandru?”