1 Samuweli 24:5 - Bhibhiliya Nya Guage

⁵ Aholu Dhavhidhe a dipwa guveta nya monyo waye, hwane nya gu na pide tshoka nya gifenengelo gya Sawule;

1 Samuweli 24:5 Iomraidhean Croise

2 Samuweli 12:9

Khu ginani u nga yeyisago magana ya Pfhumu Nungungulu, u gira esi si vivbidego mahoni gwaye? U songide Uriya, Muhiti khu litshari, khu gufela gu dzega mwangadzi waye a khala wago, hwane nya gu bani u mu songide khu litshari la na Amoni.

2 Samuweli 24:10

Hwane nya gu bani na sayede vathu, Dhavhidhe a di vetwa khu livhalo a vbisega monyoni gwaye; Dhavhidhe a ganela ga Pfhumu Nungungulu, khuye: “Nyi ghohide ngudzu khesi nyi giridego, gasi olu uwe Pfhumu Nungungulu, nyi ngu gu lomba gukheni u duse guvivba ga githumi gyago, kholu nyi thumide silo nya wupumbu ngudzu.”

2 Dzipfhumu 22:19

Kha nga monyo wago wu thurugidego, u dzi thesa mbeli ga Pfhumu Nungungulu, gikhati u pwidego magana nyi ganedego khu mahungu nya wulanga wowu, ni ga vavbanyi vaye, gupwani wu na mbembiswa wu khala giwula ni gihegiso, u pferula dzingandzu dzago u lila mbeli gwangu, Eni neni nyi gu yingiside; a ngu ganela Pfhumu Nungungulu.

Dzindzimo 59:11

Uwe Pfhumu u nga vbedzi valala vangu khu gu va songa, aholu va vbedze tshivba va pepetega ni mayigo, gasi vathu va na gyathu va si divali guvivba gwawe.

1 Samuweli 26:8

Khavbo avbo, Abhisayi a di embela Dhavhidhe, khuye: “Nungungulu muhuno ningede mandzani gwago nala wago, nyi dige nyi mu paya gumogo khu litshari nyi li vbondzisa mafuni; kha gu na vbwetega gu mu engedza gambe.”