1 Samuweli 23:8 - Bhibhiliya Nya Guage

⁸ Khavbo avbo, Sawule a di rumela guya ranwa vathu vatshavbo va hongola nyimbitunu, gasi gu va hongole Keyila vaya randrela Dhavhidhe gumogo ni masotshwa yaye.

1 Samuweli 23:8 Iomraidhean Croise

1 Dzipfhumu 2:26

Aholu ga muphasi nya mhamba Abhiyatari, mufumeli a di mu embela, khuye: “Khuga u hongole mahangeni gwago Anatoti, kholu uwe nuwe u di gu fanedwa khu lufu, aholu muhuno kha nyi na gu songa, kholu u di gu rwala Ngasa nya Gidzumeledzwano mbeli ga babe wangu Dhavhidhe, gambe u tshanisekide gumogo ni babe wangu musigaradzoni gwaye gwatshavbo.”

1 Samuweli 23:10

Khavbo avbo, Dhavhidhe a di lombelela, khuye: “Ama Pfhumu Nungungulu wa Israyeli, githumi gyago gi pwide nya gupwani Sawule a ngu vbweta gu bela tigoni ga Keyila, gasi guta khungumula lidhoropa khu kotani yangu.

1 Samuweli 23:7

Sawule a di pwa nya gupwani Dhavhidhe hongode Keyila, a di khuye: “Nungungulu ningede Dhavhidhe mandzani gwangu, a dzi khothede abune, kholu bede ga lidhoropa li gu na ni malimba ma gu ni si kwinyaro.”

1 Samuweli 23:9

Avbo Dhavhidhe, a nga dzitigo gukhuye Sawule a ngu luga mano nya guvbwete gu mu dhumela, a di embela Abhiyatari, khuye: “Nyi resele keka nya miphaso.”