1 Samuweli 23:3 - Bhibhiliya Nya Guage

³ Aholu, masotshwa ya Dhavhidhe ma di mu embela, khayo: “Ambari olu nya gukhuwe hi womo omu Judha hi pwago hwanga hi thava, si na kodzega kharini guya Keyila guya dwana ni masotshwa ya Vafilisitiya, na?”

1 Samuweli 23:3 Iomraidhean Croise

Dzindzimo 11:1

Eni nya gu thavela ga Pfhumu Nungungulu. Khu ginani mu nyi embelago, khenu: “Thavela sigomoni nga ginyoni?”

Jeremiya 12:5

Olu u vbiredzelago gu garala wa gu palisana ni vathu va tutumago khu migondro, u na dzi kodza kharini gu palisana ni avo va khiledego dzikavalu? Olu u gumba dzipwa nu khadzisegide tigoni nya gurule, u na ya gira kharini sipoponi ga Joridhani?

1 Samuweli 23:15

Avbo Dhavhidhe a wonidego gukhuye Sawule dugide gasi guta mu songa, a di khala giwulani gya Zifi, tigoni ga Horesa.

1 Samuweli 23:2

Dhavhidhe a di wudzisa Pfhumu Nungungulu, khuye: “Nyi hongola nyi ya sasela Vafilisitiya, gani?” Pfhumu Nungungulu a di mu hakha, khuye: “Gimbila, kholu u na ya pala Vafilisitiya, u bwelo khavbo u tshudzisa Keyila.”

1 Samuweli 23:23

Indrani mu ya wudzisela sihogo saye satshavbo a sihalago umo, mu wuya mu ta nyi ninga lisine. Khavbo avbo, nyi na hongola nanu; uye a gu bani na guromo khu lisine tigoni mule, nyi na ya mu vbweta vbakari nya mazanazana nya Vajudha.”

1 Samuweli 23:26

Sawule a di gu gimbila khu limbe liphuvbo, Dhavhidhe gumogo ni masotshwa yaye va di thava khu limbe liphuvbo khu guvbiredza gasi gu vbuluga mandzani ga Sawule. Avbo Sawule ni masotshwa yaye va nga bani va randrela gu mola Dhavhidhe gumogo ni masotshwa yaye.

1 Samuweli 23:4

Khavbo avbo, Dhavhidhe a di engedza a wudzisa ga Pfhumu Nungungulu; Pfhumu Nungungulu a di mu phindrula, khuye: “Dzi emisele u relela Keyila, kholu nyi na ningela Vafilisitiya mandzani gwago.”