1 Samuweli 23:12 - Bhibhiliya Nya Guage

¹² Dhavhidhe a di wudzisa gambe, khuye: “Ina vathu va Keyila va na nyi ningela eni gumogo ni masotshwa yangu mandzani ga Sawule, gani?” Pfhumu Nungungulu a di hakha, khuye: “Ina va na gu ningela.”

1 Samuweli 23:12 Iomraidhean Croise

Dzindzimo 118:8

Gwadi ngudzu gu thavela ga Pfhumu Nungungulu guvbindra gu tumba muthu.

Dzindzimo 143:8

Nyi nonedze lihaladzo lago gukhugela vbadzimindrutunu, kholu eni nyi tumbide uwe; hefemulo wangu nyi ngu wu yisa iyo gwago, nyi nonedze ndzila nyi yelago gubela khiyo.

Dzindzimo 31:8

Khwa nyi ningela mandzani ga valala, u tiyiside migondro yangu wulangani nya guaname.

Dzindzimo 62:1

Hefemulo wangu wa gu mana gurula ga Nungungulu basi; guvbanyiswa gwangu gwa guta khiyo gwaye.

Isaya 29:15

Libango ga vathu vale va sihago makungo yawe, va sihela Pfhumu Nungungulu, va gira mithumo yawe mugidemani, na va gu ganela, khavo: “Khu mani a na gu hi wonago, khu mani a hitigo?”

Jeremiya 11:18

Nyi si pimide kholu Pfhumu Nungungulu dzinide gukhuye nyi si pima; eni nyi wona mithumo va nga bani na va gu gira.

Vahebheru 4:13

Gimwalo ni gimwegyo gi sihadego mahoni ga Nungungulu. Sivangwa satshavbo somo tendrelani mahoni ga Nungungulu. Ethu hatshavbo hi na ema mbeli gwaye, a hi lamula.

Valamuli 15:10

Vama va Judha va di va wudzisa, khavo: “Khu ginani mutago mu ta hi dhumela khu matshari?” Avo va di hakha, khavo: “Ha guvbweta guta hunga Samisoni, gasi hi mu gira iso uye a hi giredego.”

1 Samuweli 23:11

Ina kamwe u na ningela vathu va Keyila mandzani gwaye, gani? Ina kamwe Sawule a nata khu lisine, kha nga idzo githumi gyago gi dzi pwidego khidzo, gani? Ama Pfhumu Nungungulu wa Israyeli, nyi ninge phindrulo.” Pfhumu Nungungulu a di mu hakha, khuye: “Uye a nata.”

1 Samuweli 23:20

Khu guralo, olu, ama mufumeli, khu gugola gwago, u ngu dzi kodza gu relela; ethu hi dzi emisede gu mu ningela mandzani ga mufumeli.”

1 Samuweli 23:7

Sawule a di pwa nya gupwani Dhavhidhe hongode Keyila, a di khuye: “Nungungulu ningede Dhavhidhe mandzani gwangu, a dzi khothede abune, kholu bede ga lidhoropa li gu na ni malimba ma gu ni si kwinyaro.”