1 Samuweli 22:4 - Bhibhiliya Nya Guage

⁴ Khavbo avbo, a di va resa ga mufumeli wa Mowabhi, avbo va ngata khalago naye gikhati gyatshavbo Dhavhidhe a nga manegago ga wulanga wule nya wuthavelo.

1 Samuweli 22:4 Iomraidhean Croise

2 Samuweli 24:11

Khu litshigu li landrelago na gu ngari dzimindru, gu dita ga Dhavhidhe magana ya Pfhumu Nungungulu khu ga muprofeti Gadhi, mutuguli nya misihalo wa Dhavhidhe, a mu embela, khuye:

2 Samuweli 8:2

Pade gambe va na Mowabhi, a va ladzisa vbavbatshi, a va pima khu ngodzi, avo va nga bani va enedza dzingodzi dzimbili, a di va songa, avo va nga bani va enedza ngodzi mweyo basi, a di va diga va vbanya. Khu guralo, va na Mowabhi, va di khala sithumi ga Dhavhidhe, va henga khupo gwaye.

1 Dzikoronika 11:16

Khu gikhati gyogyo, Dhavhidhe a diri likhokholani, gasi libutho la Vafilisitiya li di zumbide Bhetlehema.

1 Dzikoronika 12:16

Khavo ava va tshatugidego tsongo wa Joridhani, khu ngima nya guhegule, avbo tsongo wu nga bani wu gugumugide wu bwelo khavbo wu goga khu mudzibambe, va tutumiswa vatshavbo va nga bani va gu vbanya mikovani, khu Khugadambo, ambari khu Pfoladambo.

1 Dzikoronika 21:9

Pfhumu Nungungulu, a di ganela ga Gadhi mutuguli nya misihalo ya Dhavhidhe, khuye:

1 Dzikoronika 29:29

Mithumo yatshavbo ya Dhavhidhe nya guhegule niyo nya guhegise yi lovidwe umo nya libhuku nya matimo ya Samuweli, mutuguli nya misihalo yaye, ni umo nya libhuku nya matimo ya muprofeti Natane, ni umo nya matimo ya Gadhi, mutuguli nya misihalo;

2 Dzikoronika 29:25

A di emisa va na Levhi Nyumbani ga Pfhumu Nungungulu, na vari ni dzingoma ni sitendre ni dzimbila, kha nga guleletela ga Dhavhidhe ni Gadhi, muwoneleli wa mufumeli ni wa muprofeti Natani; kholu gileletelo gegi, gi dzude khu ga Pfhumu Nungungulu, khu magana ya vaprofeti vaye.

Nehemiya 6:11

Nyi di mu embela, kheni: “Ina muthu nya nga eni, a na kodza gututuma, gani? Gambe, khu mani nya nga eni, a kodzago gu bela wulanga nya guage a duga na guvbanya? Eni gima kha nyi na gira silo nya nga isoso!”

Dzindzimo 11:1

Eni nya gu thavela ga Pfhumu Nungungulu. Khu ginani mu nyi embelago, khenu: “Thavela sigomoni nga ginyoni?”

Matewu 10:23

Mwa gu tutumiswa dhoropani momo nya gukari, thavelani ga limbe. Kholu khu lisine nyi ngu mi embelani, kheni: Kha mu na vbedza gu dzuwulugela madhoropa ya Israyeli na si gu vbohi Mwamana wa Muthu.

1 Samuweli 22:3

Khu iyoyo Dhavhidhe a di ya hongola Misipa wa Mowabhi, aya ganela ni mufumeli wa Mowabhi, khuye: “Ina gu ngu kodzega gu, nyi diga babe ni mayi wangu vate eno gasi guta khala nago kala nyiti igyo Nungungulu a na girago khu eni, gani?”

1 Samuweli 22:5

Khu guralo, muprofeti Gadhi a di embela Dhavhidhe, khuye: “U nga khali mugusihalani; duga u bwelela Judheya.” Khavbo avbo, Dhavhidhe a di hongola khabini ga Hereti.