1 Samuweli 22:3 - Bhibhiliya Nya Guage

³ Khu iyoyo Dhavhidhe a di ya hongola Misipa wa Mowabhi, aya ganela ni mufumeli wa Mowabhi, khuye: “Ina gu ngu kodzega gu, nyi diga babe ni mayi wangu vate eno gasi guta khala nago kala nyiti igyo Nungungulu a na girago khu eni, gani?”

1 Samuweli 22:3 Iomraidhean Croise

Genesi 47:11

Khavbo avbo, Josefa a di vega babe waye ni vandriyaye, a va ninga sipeto malangani nya yadi ngudzu ya tigoni ga Egipito, ga gipandre gya Ramisesi, kha nga edzi a nga embedwago khidzo khu Faro.

2 Samuweli 8:2

Pade gambe va na Mowabhi, a va ladzisa vbavbatshi, a va pima khu ngodzi, avo va nga bani va enedza dzingodzi dzimbili, a di va songa, avo va nga bani va enedza ngodzi mweyo basi, a di va diga va vbanya. Khu guralo, va na Mowabhi, va di khala sithumi ga Dhavhidhe, va henga khupo gwaye.

Ekisodha 20:12

Rungudza babe ni mayi wago, gasi ma engedzedwa matshigu yago nya guvbanye tigoni u na ningwago khu Pfhumu Nungungulu wago.

1 Thimoti 5:4

Aholu, va gu bani vari ni sanana mwendro vatugulu, va ngu yela gu girela githawo valongo vawe, ni gu va bweledzela wuhindzi va nga giredwa khu sikhosane sawe. Kholu, khiso si tsakisago mahoni ga Nungungulu.

Valamuli 11:29

Khavbo avbo, Liphuvbo la Pfhumu Nungungulu li dita ga Jefiti, a di tsemakanya khu Gileyadhi ni Manasi; kholu a di tsemakanya khu Misipa wa Gileyadhi a hongola kala ga va na Amoni.

Rute 4:10

nyi ngu dzega gambe Rute, nya lifumbu la Mowabhi, ngadza Maloni a khala mwangadzi wangu, gasi nyi wusa lina laye thombani gwaye, gasi lina laye li si fuvi vbakari ga vandriyaye, ni vbakari nya tshangano nya vandruye; enu muhuno mu dzifakazi.”

Rute 4:17

Vaakelane vaye nya vanyamayi, va di gi riya lina, khavo: “Nowemi velegide gyanana, va gi rana khavo khu Obhedhi. Oyu khu babe wa Jese, babe wa Dhavhidhe.”

1 Samuweli 14:47

Avbo Sawule a nga dzega mufumo wa Israyeli, a di dwana ni valala vaye vatshavbo va nga bani va mu randrede a gu ava: Vamowabhi, Vaamoni, Vaedhomi, vafumeli va Zobha ni Vafilisitiya; gwatshavbo umo a nga bani a gimbila a dwana a di wuya na dugelede.

1 Samuweli 22:2

Vatshavbo vale va nga bani vari ni sigaradzo, ni vatshavbo vale va nga bani vari ni milandru gumogo ni vale va sa tsakago, va di ya tombana gwaye; uye a di khala muthangeli wawe. Va diromo gipimo nya mazana mana (400) vama a nga bani ari navo.

1 Samuweli 22:4

Khavbo avbo, a di va resa ga mufumeli wa Mowabhi, avbo va ngata khalago naye gikhati gyatshavbo Dhavhidhe a nga manegago ga wulanga wule nya wuthavelo.

1 Samuweli 3:18

Khavbo avbo, Samuweli a di mu embeledzela satshavbo nyamba siha ni gimwegyo. Eli a di khuye: “Pfhumu Nungungulu a na gire iso a si wonago na siri sadi.”