1 Samuweli 22:23 - Bhibhiliya Nya Guage

²³ Khala ni eni, u nga khali hwanga. Kholu oyu a vbwetago womi wangu, khuye wa moyo a vbwetago uwo wago; eni nyi na gu sayisa.”

1 Samuweli 22:23 Iomraidhean Croise

2 Samuweli 9:7

Khavbo avbo, Dhavhidhe a di mu embela, khuye: “U nga thavi, nya gu vbweta gu gu girela wuhindzi, khu kotani ya babe wago Jonatane, nyi na gu bweledzela wulime watshavbo wa kokwe wago Sawule, gasi uwe nyi na hodza nago mbiyani gwangu gikhati gyatshavbo.”

1 Dzipfhumu 1:7

A di pwanana ni Jowabhi mwamana wa Zeruwa, gumogo ni muphasi nya mhamba Abhiyatari, va nga bani vari va tsawa waye.

1 Dzipfhumu 2:26

Aholu ga muphasi nya mhamba Abhiyatari, mufumeli a di mu embela, khuye: “Khuga u hongole mahangeni gwago Anatoti, kholu uwe nuwe u di gu fanedwa khu lufu, aholu muhuno kha nyi na gu songa, kholu u di gu rwala Ngasa nya Gidzumeledzwano mbeli ga babe wangu Dhavhidhe, gambe u tshanisekide gumogo ni babe wangu musigaradzoni gwaye gwatshavbo.”

Matewu 24:9

Khavbo avbo, va na mi yisa gusaniswani, va na mi songa; mu na zondrwa khu mayigo yatshavbo, khu kotani nya lina langu.

Johane 15:20

Dundrugani magana nyi mi embedego, nya gukheni: Githumi khandri gikhongolo guvbindra pfhumu yaye. Kha nga va nga nyi sanisago, va na mi sanisa nenu; va gu bani va vegedzide milayo yangu, va na vegedza nayo magana yanu.

Johane 17:12

Na nyi ngari navo mafuni nyi di gu va sayisa khu lina lago. Nyi sayiside vatshavbo u nga nyi ningago, mwalo ni moyo a nga dzimelago, vbavbandze ga wule gu nga vbwetega a dzimele, gasi gu tadzisega Milowo.

Johane 18:9

Esi si giregide gasi gutadzisega magana a nga ganela, khuye: “Vale u nyi ningidego kha nya dzimedza ni moyo.”

1 Samuweli 23:17

A mu embela, khuye: “U nga thavi, kholu gyandza gya babe wangu Sawule kha gi na gu mana; khu guralo, uwe u na fumela Israyeli, eni nyi na khala gyandza gyago, mahungu yoyo ambari babe wangu Sawule a ngu mati gwadi.”