1 Samuweli 22:17 - Bhibhiliya Nya Guage

¹⁷ Mufumeli a di embela dzighadhi a nga bani ari nadzo, khuye: “Gimbilani mu ya songetela vaphasi nya mhamba va Pfhumu Nungungulu, kholu avo navo va ngu pwanana ni Dhavhidhe; Va dzitide gwadi nya gukhavo Dhavhidhe a di thava, aholu kha va nyi tivisa gilo.” Aholu masotshwa yaye ma di bomba ma si dzumeli guya songa vaphasi nya mhamba va Pfhumu Nungungulu.

1 Samuweli 22:17 Iomraidhean Croise

2 Samuweli 15:1

Hwane nya esi, Abhisalamo a di dzi vbwetela dzikareta ni dzikavalu, ni livbandre magumi vama gasi va tutumatutuma mbeli gwaye.

1 Dzipfhumu 1:5

Khavbo avbo, Adhoniya, mwamana wa Hagiti, a di khuga na tade khu matshandza a ganela, khuye: “Eni kheni nyi na fumago.” A di dongisela dzikareta ni vakhileli nya dzikavalu, ni livbandre magumi vama, gasi avo va tutuma mbeli gwaye.

1 Dzipfhumu 14:27

Mufumeli Robhowamo, a di gira sitshangu nya sugu gasi gu tshikhedza iso si nga dzegwago, a si ningela mandzani ga dzindruna nya nyimbi dzi nga bani dzi wonelela nyangwa ya mufumeli.

1 Dzipfhumu 18:4

Kholu, gikhati Jezabheli a nga bani na sasela vaprofeti va Pfhumu Nungungulu, Obhadhiya a di dzega lizana (100) vaprofeti a va kabanisa khu mitsawa mivili nya livbandre magumi (50), a va siha mavbalani a va sayisa khu gu va ninga guhodza ni gu va ninga mati va sela.

2 Dzipfhumu 10:25

Avbo va nga vbedzago gu gira phaso nya guvbiswe, Jewu a di embela vawoneleli ni dzindruna dzaye, khuye: “Belani mu ya va sasela gu nga tshali ni moyo.” Khavbo avbo, vawoneleli ni dzindruna va di va sasela khu matshari, va va dzudzugela vbavbandze, khu hwane va di bela ndrani nya nyumba ya Bhahali,

Ekisodha 1:17

Aholu vasingalagadzi va di gu thava Nungungulu, kha va nga gira esi va nga rumwago khu mufumeli wa Egipito, va di diga sanana nya sikhwathana si vbanya.

Mithumo 4:19

Pedro ni Johane va di va hakha, khavo: “Lamulani enu vamune, mwendro gululamile mahoni ga Nungungulu gu ethu hi yingisa enu vathu guvbindra Nungungulu.

1 Samuweli 14:45

Aholu vathu va di embela Sawule, khavo: “Ina Jonatane a residego guvbanyiswa gogu nya gukhongolo ga Israyeli, a ngu yela gufa, gani? Silo nya nga isoso, kha si kodzegi gu girega! Hi ngu sambanya khu Pfhumu Nungungulu a vbanyago, ni ndzudzu moyo basi wa hungoni gwaye kha wu na thega vbavbatshi, kholu iso a si giridego muhuno tshivba ya Nungungulu.” Khu guralo, vathu va di vbulugisa Jonatane gu songwa.

1 Samuweli 2:31

Wona, ma nguta matshigu, aya nyi na pilago libogo lago ni libogo la ndranga ya babe wago, gasi gu si tshali ni lidhota limwedo ndrangani gwago.

1 Samuweli 20:33

Khavbo avbo, Sawule a di rinya litshari laye gasi gu songa Jonatane, khavbo Jonatane a wonidego gukhuye kamwe babe waye a dzi emisede gu songa Dhavhidhe.

1 Samuweli 22:13

Sawule a di mu wudzisa, khuye: “Khu ginani mu nga nyi wugelago uwe gumogo ni mwamana wa Jese? Kholu u mu ningide guhodza ni litshari, u wudzisa ga Nungungulu khu mahungu yaye, gasi gu a nyi wugela ni gu nyi dembela milaphwi, kha nga olu u si wonago muhuno.”

1 Samuweli 22:16

Mufumeli a di embela vavhikeli vaye, khuye: “Khu lisine uwe Ayimeleki u nafa gumogo ni ndranga ya babe wago.”

1 Samuweli 25:17

Khu guralo, wona egi u yelago gu gira, kholu mune wathu ni ndranga yaye yatshavbo a ngu thusedzedwa khu gukhungumudwa; kholu uye muthu nya dzihanyi, mwalo a dzi kodzago gu ganela naye.

1 Samuweli 8:11

a ganela, khuye: “Dzifanelo dza mufumeli a na gu mi fumelago khedzi: Uye a na dzega madzaha yanu ma khala masotshwa nya gugimbidzise dzikareta dzaye gumogo ni gu khala vakhileli nya dzikavalu, gasi dzi tutuma mbeli gwaye;