1 Samuweli 22:16 - Bhibhiliya Nya Guage

¹⁶ Mufumeli a di embela vavhikeli vaye, khuye: “Khu lisine uwe Ayimeleki u nafa gumogo ni ndranga ya babe wago.”

1 Samuweli 22:16 Iomraidhean Croise

1 Dzipfhumu 18:4

Kholu, gikhati Jezabheli a nga bani na sasela vaprofeti va Pfhumu Nungungulu, Obhadhiya a di dzega lizana (100) vaprofeti a va kabanisa khu mitsawa mivili nya livbandre magumi (50), a va siha mavbalani a va sayisa khu gu va ninga guhodza ni gu va ninga mati va sela.

1 Dzipfhumu 19:2

Khavbo avbo, Jezabheli a di rumela mwango guya embela Eliya, khuye: “Vanungungulu va na nyi songe, gya gu vboha gikhati gegi mindru na nyi si gu giri womi wago nya nga edzi uwe u giridego uwo wa vaprofeti.”

Mavingu 28:15

Mufumeli nya guvivbedwe khu monyo a gu fuma litigo nya sisiwana, a gu fanana ni nghala yi bhongago ni gikankanka gya gupwa ndzala.

Dhaniyeli 2:12

Magana yaya ma di gorogisa ngudzu mufumeli guvbindra pimo; uye a di ruma gukhuye va songwa vatshavbo vagengeli va Bhabhiloni.

Dhaniyeli 2:5

Mufumeli a di ninga phindrulo Vakalidhiya, khuye: “Nyi fungide gukheni mwa gumba nyi ningani tshamuselo nya ndroro yeyi, mwatshavbo mu na vbadzuledwa mu tshala khu sipandre, dzinyumba dzanu dzi khala matala.

Matewu 2:16

Khavbo avbo, Herodhi, na wonide khuye pembidwe khu vagengeli vale, a di goroga ngudzu, a ruma gusongetedwa sanana satshavbo nya sikhwathana sa Bhetlehema ni mayigwana yaye yatshavbo, iso si nga bani si si gu vbindrisi myaga mivili, gu landrisa matshigu a nga embedwago khu vagengeli, gikhati a nga va wudzisago.

Mithumo 12:19

Herodhi, na mu vbwetide a si mu mani, a di thethisa dzighadhi, a dzi rumela gu songwa. Na khugide khu Judheya, a di ta Sezareya, a ta khala iyo.

Dhewuteronome 24:16

Vavelegi va mwalo fanelo nya gusongwe khu sighoho sa sanana sawe, mwendro sanana khu sighoho sa vavelegi vawe. Muthu ni muthu a nafa khu gighoho gyaye.

1 Samuweli 14:44

Khavbo avbo, Sawule a di ganela, khuye: “Nungungulu a na gire iso a si wonago na si lulamide, wa gu mbafa uwe Jonatane!”

1 Samuweli 20:31

Na nga gu vbanya mwamana wa Jese, uwe ambari ni mufumo wago kha si na tiya. Olu rumela vaya mu rana va mu resa avba gwago, kholu uye fanede gu songwa!”

1 Samuweli 22:15

Ina khu muhuno basi nyi mu wudzisedego ga Nungungulu, gani? Ahihi! Mufumeli, u nga tshuki u rwega nandru ga eni githumi gyago, ambari ni ga moyo wa nyumbani ga babe wangu; kholu vbakari nya yatshavbo mahungu yaya, githumi gyago gimwalo na gimwegyo nya mahungu yaya gi matigo.

1 Samuweli 22:17

Mufumeli a di embela dzighadhi a nga bani ari nadzo, khuye: “Gimbilani mu ya songetela vaphasi nya mhamba va Pfhumu Nungungulu, kholu avo navo va ngu pwanana ni Dhavhidhe; Va dzitide gwadi nya gukhavo Dhavhidhe a di thava, aholu kha va nyi tivisa gilo.” Aholu masotshwa yaye ma di bomba ma si dzumeli guya songa vaphasi nya mhamba va Pfhumu Nungungulu.