1 Samuweli 22:14 - Bhibhiliya Nya Guage

¹⁴ Ayimeleki a di hakha mufumeli, khuye: “Khu wevbini vbakari nya sithumi sago satshavbo a tumbegidego guvbindra Dhavhidhe, mwane wa mufumeli, muthangeli wa vavhikeli vago a zundzegago ngudzu ndrangani gwago, na?”

1 Samuweli 22:14 Iomraidhean Croise

1 Samuweli 17:25

Va na Israyeli va di ganela khu gyawe, khavo: “Mu mu wonide mwama wule, gani? Uye dzude guta vala Israyeli. Mufumeli a na ninga dzithomba nya dzingi ga wule a na gu mu palago. Gambe a na mu ninga nyamahegyane waye a khala mwangadzi waye ni gu tshipisa khupo ngamo ya babe waye tigoni ga Israyeli.”

1 Samuweli 18:13

Khavbo avbo, Sawule a di dusa Dhavhidhe a si khali naye vbafuvbi, a mu gira muthangeli nya gikwata nya likhumi mazana masotshwa; uye a di gu duga a thangela gikwata gegi guya dwana ni gu wuya mbeli ga vathu.

1 Samuweli 18:27

Dhavhidhe a di duga ni masotshwa yaye vaya songa mazana mavili (200) Vafilisitiya, a wuya ni misutu yawe, ata yi bikela ga mufumeli gasi uye a khala mwane waye. Khu guralo, Sawule a di ninga Dhavhidhe mwanaye Mikali, gasi a khala mwangadzi waye.

1 Samuweli 20:32

Jonatane a di wudzisa babe waye, khuye: “Khu ginani uye a fanedego gu songwa? Ginani uye a giridego?”

1 Samuweli 21:2

Dhavhidhe a di mu hakha, khuye: “Mufumeli a nyi ningide thumo, a nyi embela, khuye: A nga manegi ni moyo a yelago gu wuti thumo nyi gu ningago guya wu thuma. Eni nyi leletede masotshwa yangu gukheni hiya manana wulanga nya gukari.

1 Samuweli 22:13

Sawule a di mu wudzisa, khuye: “Khu ginani mu nga nyi wugelago uwe gumogo ni mwamana wa Jese? Kholu u mu ningide guhodza ni litshari, u wudzisa ga Nungungulu khu mahungu yaye, gasi gu a nyi wugela ni gu nyi dembela milaphwi, kha nga olu u si wonago muhuno.”

1 Samuweli 24:11

Gasi olu, uwe baba wangu, wona avba tshoka nya gifenengelo gyago nyi gu nagyo mandzani. Olu nyi pidego tshoka nya gifenengelo gyago nyamba gu songa, dziti gwadi u wona nya gukhuwe avba gwangu gu mwalo ni guvivba gumogo nya gugirele uwe, gimwalo gilo nyi gu ghohedego, nya gukala u nyi sota gu nyi songa.

1 Samuweli 25:28

Nyi ngu lomba u tsetselela nandru wa eni githumi gyago nyi wu giridego, kholu khu lisine furi, Pfhumu Nungungulu, a na tiyisa nyumba ya mune wangu, kholu wa gu dwana dzinyimbi dza Pfhumu Nungungulu, gu mwalo guvivba gu nga manwago avbo gwago khu ga matshigu yago yatshavbo.

1 Samuweli 26:23

Pfhumu Nungungulu a na bweledzele moyo ni moyo mayelano khu gutumbega gwaye ni gululama gwaye; kholu Pfhumu Nungungulu, muhuno a di gu gu ningede mandzani gwangu, aholu eni kha nya dzina gu khusa mandza nyi songa uye a todzidwego khu Pfhumu Nungungulu.