1 Samuweli 22:12 - Bhibhiliya Nya Guage

¹² Sawule a di khuye: “Nyi yingise uwe mwamana wa Ayitubhi!” Uye a di hakha, khuye: “Nyi womo avba, mune wangu.”

1 Samuweli 22:12 Iomraidhean Croise

2 Samuweli 1:7

Avbo a nga khedza hwane a di nyi wona a nyi rana; eni nyi di hakha, kheni: “Nyi womo avba.”

2 Samuweli 9:6

Mefibhoseti, mwamana wa Jonatane, wa Sawule, a dita ga Dhavhidhe, ata khidzima a thega khu khovbe mafuni a yeyedza githawo. Dhavhidhe a di mu rana, khuye: “Mefibhoseti.” Uye a di hakha, khuye: “Nyi womo avba, eni githumi gyago!”

Isaya 65:1

Nyi vbwetidwe khu vale va ngamba nyi wudzisa, nyi manwa khu vale va ngamba nyi vbweta, ga litigo li nga bani li si rani lina langu, eni nyi di ganela, kheni: “Nyi womo avba.”

1 Samuweli 22:11

Khavbo avbo, mufumeli a di rumela guya rana muphasi nya mhamba Ayimeleki, mwamana wa Ayitubhi, gumogo ni ndranga yatshavbo ya babe waye, a gu avo vaphasi nya mhamba va nga bani vari Nobhi; vatshavbo va dita ga mufumeli.

1 Samuweli 22:13

Sawule a di mu wudzisa, khuye: “Khu ginani mu nga nyi wugelago uwe gumogo ni mwamana wa Jese? Kholu u mu ningide guhodza ni litshari, u wudzisa ga Nungungulu khu mahungu yaye, gasi gu a nyi wugela ni gu nyi dembela milaphwi, kha nga olu u si wonago muhuno.”

1 Samuweli 22:7

Sawule a di va embela, khuye: “Yingisani enu sanana sa Bhejami, ina mwa gu pimisa gukhenu mwamana wa Jese a na mi ninga mayigo yatshavbo nya marembwe nya guyale miuvha, gani? Ina a na mi ninga mwatshavbo gu khala vathangeli nya sikwata nya likhumi mazana (1.000), ni lizana (100), gani?