1 Samuweli 21:7 - Bhibhiliya Nya Guage

⁷ Moyo nya sithumi sa Sawule a di romo vbale ga litshigu lile, na gu landrisa siguruvedzo saye mbeli ga Pfhumu Nungungulu; a diri uye Dhowegi, Muedhomi, muthangeli nya vahavisi va Sawule.

1 Samuweli 21:7 Iomraidhean Croise

Genesi 26:20

aholu vahavisi va Gerari va di dwanisa avo va Isaki va gu va embela, khavo: “Mati yaya ma gu lumba ethu.” Isaki a di rana nambo wule, khuye: “Nambo nya Maregera,” kholu va nga vbweta gu mu wandrela nambo waye khu malipha.

1 Dzikoronika 27:29

Sarumi, Sitirayi, Musaroni va diri vahavisi nya dzimombe; gasi idzo dzi nga bani dzi gu haviswa mikovani; dzi diri mandzani ga Safati, mwamana wa Adhilayi.

1 Dzikoronika 27:31

Jazizi, Muhagari, a di sayisa dzinvuta. Vatshavbo vathu vava va diri vasayisi nya thomba ya mufumeli Dhavhidhe.

2 Dzikoronika 26:10

Giride gambe madingo giwulani, a kemba milambo nya yingi; kholu a diri ni mitshambi nya yingi, mikovani ni vbavbandze a diri ni valimi, ni vathu nya vangi va nga bani va thuma marembweni nya miuvha, sigomoni ni mahangeni nya gunone; kholu a di gu tsakela wulimi.

Ezekiyeli 33:31

Avo va guta gwago kha nga giolovedzo gyawe, va gu khala mbeli gwago gasi gu yingisa magana yago, aholu kha va ma landrisi. Va gu ganela khu magana khavo va ngu nyi gola, narigu khu myonyoni gwawe va gu alakanyela bhindzu nyambana fanelo.

Levhi 22:10

Oyu a si gu wa nyumbani nya wuphasi nya mhamba, a nga hodzi ningelo nya phaso nya guagiswe, ambari pfhumba wa muphasi nya mhamba mwendro githumi gyaye kha va dzumedziswi gu hodza miphaso yi agisidwego.

Levhi 22:13

Aholu nyamahegyane wa muphasi nya mhamba a gu fedwa khu mwama waye, mwendro wule a nga hudwa wugadzi na sa tshiya sanana, a gu wuya a ta khala ndrangani ga babe waye, kha nga matshigu nya wumbiri waye, a na dzumedziswa gu hodza guhodza ga babe waye; aholu muluveli a nga hodzi.

Levhi 24:5

U na dzega gambe wuguvbi nya gudadatwe u phula khuwo likhumi na sivili sibaba, gibaba ni gibaba gi na dzega mipimo mivili nya gipandre nya likhumi nya efa.

Levhi 24:8

Gikhati gyatshavbo, Sabhadho ni Sabhadho, Aroni a na vega sibaba sesi mbeli gwa Pfhumu Nungungulu, gu khala ningelo wa sanana sa Israyeli kha nga gidzumeledzwano nya gupindruge.

Amosi 8:5

mu ganela, khenu: Li na vbela lini litshigu nya gumege ngima, gasi hi fela gu rengisa sivbila? Li na vbindra lini litshigu nya Sabhadho gasi hi tule sisangala nya tirigu hi rengisa, hi vbungula mipimo, hi engedzela mitengo nya gurengise, hi thumisa sikalo nya wudambane,

Matewu 15:8

Vathu vava va gu nyi rungudza khu likana, aholu myonyo yawe yomo hwindzo ni eni.

1 Samuweli 11:5

Khu gikhati gyogyo, Sawule a di gu wuya khu gundze, na gu ghula dzimombe, a di wudzisa, khuye: “Gasi ginani gi nga dugelela ga vathu, va lilago?” Khavbo avbo, va di mu tshamusela magana ya vathu va Jabhesi.

1 Samuweli 14:47

Avbo Sawule a nga dzega mufumo wa Israyeli, a di dwana ni valala vaye vatshavbo va nga bani va mu randrede a gu ava: Vamowabhi, Vaamoni, Vaedhomi, vafumeli va Zobha ni Vafilisitiya; gwatshavbo umo a nga bani a gimbila a dwana a di wuya na dugelede.

1 Samuweli 21:8

Dhavhidhe a di wudzisa Ayimeleki, khuye: “U na ni giholoma mwendro litshari avba, gani? Kha nya dzega giholoma gyangu ambari ni limbe litshari, kholu guruma ga mufumeli gu diri gwa givbiredza.”

1 Samuweli 22:10

Uye a di mu wudzisela ga Pfhumu Nungungulu; a mu ninga dzimbuva ni litshari la Gholiya, Mufilisitiya.”

1 Samuweli 22:22

Khavbo avbo, Dhavhidhe a di embela Abhiyatari, khuye: “Litshigu lile eni nyi di gu dziti gwadi, gukheni Dhowegi Muedhomi, kha na ngaya diga guya embela Sawule, gukhuye a nyi wonide. Nandru nya lufu la ndrangani ga babe wago, womo vbatshani gwangu.

1 Samuweli 22:9

Khavbo avbo, Dhowegi, Muedhomi, uye nuye a nga bani ari gumogo ni sithumi sa Sawule, a di ganela, khuye: “Nyi wonide mwamana wa Jese na gu hongola Nobhi ndrangani ga Ayimeleki, mwamana wa Ayitubhi,