1 Samuweli 21:5 - Bhibhiliya Nya Guage

⁵ Dhavhidhe a di hakha muphasi nya mhamba a mu embela, khuye: “Khu lisine kha sa girega, kholu igyogyo gihena gyathu nya litshigu ni litshigu hi dugago guya nyimbitunu, kha hi khumbi vanyamayi. Sivili sa masotshwa yoyo kha sa nyenyeza. Ambari ha gu dzega liendro nya lidugwana masotshwa ma gu manega na ma agide gumogo ni sombo sawe; ahati muhuno a gu liendro nya likhongolo!”

1 Samuweli 21:5 Iomraidhean Croise

Ekisodha 19:14

Khavbo avbo, Mosi a di tshiga khu gigomoni aya ga vathu. Uye a di agisa vathu, avo va di ya handza dzingandzu dzawe.

Ekisodha 19:15

A di embela vathu, khuye: “Dzi dongiseleni litshigu nya wuraru. Vbayegani malawu, mu nga tshangani ni nyamayi.”

Ekisodha 25:30

Vbatshani nya meza yeyi u na vega sibaba nya miningelo nya miphaso, si khala avbo gikhati gyatshavbo si wonega mahoni gwangu.

Levhi 24:9

Guhodza gogu gu na lumba Aroni ni sanana saye; va na gu hodza wulangani nya guage, kholu khigyo gipandre nya guage ngudzu, gi kasedwago avo, avba nya miningelo yi vbisedwago Pfhumu Nungungulu. Oyu nayo wu tiyisidwego kala gupindruga.

Levhi 8:26

A di dzega gibaba gimwegyo nyambana mela, ni gibaba nya gusugwe khu mafura, ni fiyoso gitundruni nya sibaba nyambana mela gi guromo mbeli ga Pfhumu Nungungulu, a pata satshavbo ni mafura ni litundru la nyamudye.

Mithumo 9:15

Aholu, Pfhumu a di mu embela, khuye: “Indra, kholu muthu yoyo nyi mu hathide gasi a vbohisa Lina langu ga mayigo, ga vafumeli ni ga sanana sa Israyeli.

1 Vakorinto 7:5

Mwama ni ngadzi mu nga bombelani, vbavbandze nya gupwananeni gumba tshangana matshigu nya gukari, khu gufela gu dzi ningela milombeloni. Na ma vbede matshigu yoyo, tshanganani gambe, gasi mu si sengwi khu Sathane khu kotani nya gumba dzi phara gwanu.

1 Pedro 3:17

Kholu, gwadi gusaniseka khu gu gira silo nya sadi, (a gu bani ari ugo guhaladza ga Nungungulu), guvbindra gu gira guvivba.