1 Samuweli 21:2 - Bhibhiliya Nya Guage

² Dhavhidhe a di mu hakha, khuye: “Mufumeli a nyi ningide thumo, a nyi embela, khuye: A nga manegi ni moyo a yelago gu wuti thumo nyi gu ningago guya wu thuma. Eni nyi leletede masotshwa yangu gukheni hiya manana wulanga nya gukari.

1 Samuweli 21:2 Iomraidhean Croise

Genesi 27:20

Isaki a di khuye: “U dzi kodzide kharini guvbiredzela gu sota girengo, mwanangu?” Jakobe a di hakha, khuye: “Kholu Pfhumu Nungungulu wago khuye a gi residego mbeli gwangu.”

Genesi 27:24

Ambari ulo a di mu wudzisa nyaluphye, khuye: “Ina kamwe khu lisine khuwe gyanana gyangu Esawu, gani?” Jakobe a di hakha, khuye: “Ina kheni.”

1 Dzipfhumu 13:18

Aholu muprofeti nya gikhosane a di mu embela, khuye: Eni neni nyi muprofeti, ngilozi yi nyi embede khu magana ya Pfhumu Nungungulu, khiyo: Mu bweledze u wuya naye gaya gwago, gasi uye a ta hodza guhodza ni gu sela mati, aholu uye a di gu mu liphela.

Nehemiya 11:32

ni Anatoti, ni Nobe, ni Ananiya,

Dzindzimo 119:29

Nyi hambanise ni ndzila nya malipha, khu wuwadi wago nyi hevbudze guti nayo wago.

Dzindzimo 141:3

Pfhumu Nungungulu vega muwoneleli nya likana langu a khedzisela nyangwa nya likana langu.

Isaya 10:32

Khu litshigu lolo kamwe, Asiriya a na vboha Nobhi; a yeyedza gibhakela ga nyamahegyane wa gigomoni ga Siyoni, ni ga gigomwana gya Jerusalema.

Vagalatiya 2:12

Kholu na va si gu vbohi vathu nya tsawa wa Jakobe, Pedro a di hodza ni va nya mayigo. Aholu, gikhati va nga vbohago, uye a di dzi pambula a si hodzi gambe navo, khu gu thava tsawa nya vale nya guhane wugwera.

Vakolosi 3:9

Mu nga liphelani khu gyanu. Enu mu tshude muthu wa gale ni mavbanyelo yaye,

1 Samuweli 19:17

Khavbo avbo, Sawule a di wudzisa Mikali, khuye: “Khu ginani u nga nyi kanganyisago u diga nala wangu a thava?” Mikali a di phindrula Sawule, khuye: “Uye a di khuye va gumba nyi diga nyi thava, nyi na gu songa.”

1 Samuweli 21:3

Olu, ginani u gi nagyo nya gu nyi ninge nyi hodza? Nyi ninge livbandre sibaba mwendro gilogyo u gu nagyo vbafuvbi.”

1 Samuweli 22:22

Khavbo avbo, Dhavhidhe a di embela Abhiyatari, khuye: “Litshigu lile eni nyi di gu dziti gwadi, gukheni Dhowegi Muedhomi, kha na ngaya diga guya embela Sawule, gukhuye a nyi wonide. Nandru nya lufu la ndrangani ga babe wago, womo vbatshani gwangu.

1 Samuweli 22:9

Khavbo avbo, Dhowegi, Muedhomi, uye nuye a nga bani ari gumogo ni sithumi sa Sawule, a di ganela, khuye: “Nyi wonide mwamana wa Jese na gu hongola Nobhi ndrangani ga Ayimeleki, mwamana wa Ayitubhi,