1 Samuweli 20:8 - Bhibhiliya Nya Guage

⁸ Aholu dzi phare u gira wuhindzi ga githumi gyago, kholu hi giride gidzumeledzwano mbeli ga Pfhumu Nungungulu. Nya gu bani nyiri ni nandru, nyi songe uwe kamwe! Khu ginani u na nyi ningelago ga babe wago?

1 Samuweli 20:8 Iomraidhean Croise

Genesi 24:49

Olu, mwa gu dzina gu yeyedza mune wangu, lihaladzo ni lisine lanu, nyi embeleni; mwa gu bani mu hungide simbe silo nyi embeleni gambe, nyi fela gu dziti ndzila muni nyi na gu yi dzegago.”

Genesi 47:29

Na ma gu hidzimela matshigu nya gufe ga Jakobe, a di ranisa mwanaye Josefa a mu embela, khuye: “Nya gu bani nyi manide wuhigo mbeli gwago, nyi ngu gu lomba u vege mandza yago vbanyongatunu gwangu u nyi girela wuwadi ni gu tumbega, nyi ngu gu lomba u nga nyi dzingi tigoni ga Egipito.

2 Samuweli 14:32

Abhisalamo a di embela Jowabhi, khuye: “Eni nyi rumede guta gu rana, kheni: Nga delu eno nyita gu rumela ga mufumeli uya, khuwe: Gasi nyi wuyede ginani khu Gesuri? I tshukwana na nyi khade iyoyo. Gasi olu, nya gu vbweta guya wonana ni mufumeli; nya gu bani nyiri ni nandru, a na nyi songe.”

1 Dzikoronika 12:17

Va na Bhejami ni va na Judha, vomo va ngata dzi tshanganisa ni Dhavhidhe, likhokholani.

Dzindzimo 116:11

Khu gu vbela tshivba nyi di kala nyi ganela, kheni: “Vathu vatshavbo kha va tumbegi.”

Mavingu 3:3

Wuhindzi ni gutumbega u nga hambani naso! Si hungelele thamoni gwago, u si lova monyoni gwago!

Mithumo 25:11

Aholu, nya gu bani nyiri ni nandru, nya gu bani nyi ghohide gilo nya guyele gu songwa, eni kha nyi bombi gufa. Aholu a gu bani a siri lisine esi va nyi singedzago, mwalo muthu a na nyi ningelago mandzani gwawe. Nya gu lomba guya lamudwa khu Sezari.”

Josuwa 2:14

Avo va di hakha, khavo: “Khu kotani nya womi wathu, hi na vbanyisa uwo wanu wa gumba hi tugudzisa. Avbo Pfhumu Nungungulu a na gu hi ningago litigo leli, ethu nethu hi na mi sayisani khu wuwadi ni gutumbega.”

Josuwa 22:22

Nyadzitshivbe, Nungungulu, Pfhumu, Nyadzitshivbe, Nungungulu, Pfhumu, Uye a ngu dziti; Israyeli nuye a na dziti! Ethu ha gu bani hi giride esi khu gu hambana ni gu wugela Pfhumu Nungungulu ni gu mu ghohela, muhuno kamwe Uye a nga hi vbanyisi.

Rute 1:8

Nowemi a di embela vagadzamwane vaye, khuye: “Bwelelani! Muthu ni muthu a na hongole nyumbani ga mamayi waye; Pfhumu Nungungulu a na mi kategise, kha nga idzo mu thumidego khidzo avbo gwangu ni ga valifutu.

1 Samuweli 18:1

Hwane nya mabhulo yaya ya Dhavhidhe ni Sawule, Jonatane a di manega na gu gola ngudzu Dhavhidhe; Jonatane a di gola Dhavhidhe kha nga idzo a dzi golago khidzo wurumba waye.

1 Samuweli 18:3

Jonatane ni Dhavhidhe va di gira gidzumeledzwano nya wupari, kholu Jonatane, a di gu gola Dhavhidhe kha nga idzo a golago khidzo hefemulo waye.

1 Samuweli 20:16

Khu guralo, Jonatane a di gira gidzumeledzwano ni ndranga ya Dhavhidhe, a ganela, khuye: “Pfhumu a na rane valala va Dhavhidhe gasi a ta va lamula.”

1 Samuweli 20:9

Jonatane a di mu hakha, khuye: “U nga pimisi isoso! Nya gu si tugula gukheni babe wangu a dzi emisede gu gu songa, nyi na gu tivisa!”

1 Samuweli 23:18

Va vavili va di gira gisambanyo mbeli ga Pfhumu Nungungulu. Khavbo avbo, Janatane a di hongola gaya, aholu Dhavhidhe a di khala Horesa.