1 Samuweli 20:5 - Bhibhiliya Nya Guage

⁵ Khavbo avbo, Dhavhidhe a di hakha, khuye: “Mindru, litshigu nya buzo nya gumege nya Ngima, nyi fanede guya lalela ni mufumeli; aholu nyi dige nyi ya sihala khabini kala li pfola lidambo nya litshigu nya wuraru.”

1 Samuweli 20:5 Iomraidhean Croise

2 Dzipfhumu 4:23

Uye a di mu wudzisa, khuye: “Wa gu yela ginani iyo gwaye muhuno? Khandri litshigu nya Buzo nya gumege nya Ngima, gambe khandri Sabhadho.” Nyamayi a di hakha, khuye: “U nga garadzegi.”

Dzindzimo 55:12

Naripwani khu nala wangu a nyi valago, na nyi sipwi ngudzu wuvi; nari gu wugedwa khu oyu a nyi nyenyago nyi di hadza gu mana wulanga nyi mu sihalela.

Dzindzimo 81:3

Wombani pundru nya buzo nya gumege nya ngima ni gudandra gwaye, a gu litshigu nya buzo wathu.

Mavingu 22:3

Muthu a gengedego a gu wona mhango yi ngari hwindzo a sihala; gasi sipumbu sa gu vboha vbafuvbi, khu hwane si dzi laya.

Amosi 8:5

mu ganela, khenu: Li na vbela lini litshigu nya gumege ngima, gasi hi fela gu rengisa sivbila? Li na vbindra lini litshigu nya Sabhadho gasi hi tule sisangala nya tirigu hi rengisa, hi vbungula mipimo, hi engedzela mitengo nya gurengise, hi thumisa sikalo nya wudambane,

Mitengo 10:10

Gutsakani gwanu gambe, matshigu nya mibuzo nya yikhongolo ni litshigu nya guphele nya ngima, avbo mu girago miphaso nya guvbiswe numo nya miphaso nya gubonge, mu na womba mipundru. Isoso si na bani siri gialakanyiso, gasi Nungungulu wanu a mi dundrugani. Eni kheni Pfhumu Nungungulu wanu.”

Mitengo 28:11

“Khu litshigu nya guhegule nya ngima ni ngima, mu na ningela phaso nya guvbiswe ga Pfhumu Nungungulu, a gu owu: Dzimombe dzimbili, nvuta mweyo, livbandre na dzimbili dzihambana nyamba hasa, nya mwaga moyo,

Johane 8:59

Khavbo avbo, va di rola siwindri gasi gu mu rinyela, aholu Jesu a di sihala, a gu duga Nyumbani ya Nungungulu.

Mithumo 17:14

Khavbo avbo, vandruye va di dzega Pawulo khu guvbiredza va gu hongola naye siwoni, gasi Silasi ni Thimoti va di tshala.

Vakolosi 2:16

A nga manegi wa gu mi kawuka khu kotani nya esi mu hodzago ni esi mu selago, mwendro khu kotani nya matshigu nya buzo, nya guwonege nya ngima mwendro nya dzisabhadho.

1 Samuweli 19:2

Uye a di ya lembedza Dhavhidhe, a mu embela, khuye: “Babe wangu, Sawule, a ngu vbweta gu gu songa; khu guralo, mindru dzimindrudzile dzi wonele, vbweta wulanga nyamba tidwa u sihala avbo.

1 Samuweli 20:18

Khavbo avbo, Jonatane a di embela Dhavhidhe, khuye: “Mindru litshigu nya buzo nya gumege nya Ngima; Gu na dzi yeyedza gupwani u mwalo; kholu gikhalo gyago gi na khala liphanga.

1 Samuweli 20:19

Libwagewo, gimbila ga wulanga u sihadego gikhati si phedego satshavbo sesi, indra u ya lindrela vbafuvbi ni giwindri gya Ezeli.

1 Samuweli 20:24

Khavbo avbo, Dhavhidhe a di sihala thembweni. Na li vbohide litshigu nya buzo nya gumege nya Ngima, mufumeli a di ya khala vbamezatunu gasi gu hodza.

1 Samuweli 20:27

Khu litshigu li landrelago, litshigu nya wuvili nya buzo nya gumege nya ngima, wulanga wa Dhavhidhe wu di simama gu khala liphanga. Khavbo avbo, Sawule a di wudzisa mwanaye Jonatane, khuye: “Khu ginani mwamana wa Jese a gu mbata hodza, gukhugela vbanova ni muhuno?”

1 Samuweli 20:4

Jonatane a di embela Dhavhidhe, khuye: “Nyi na gira esi u si wonago nari sadi.”

1 Samuweli 20:6

Babe wago a gu nyi dilela, mu embele, khuwe: Dhavhidhe a nyi lombide gukhuye nyi mu dige a hongola Bhetlehema, dhoropani gwaye nya mavelego, kholu gu na ni khuwo nya mhamba nya mwaga wu girwago iyoyo nya lihundzu laye latshavbo.