1 Samuweli 20:3 - Bhibhiliya Nya Guage

³ Khu guralo, Dhavhidhe a di gira gisambanyo a ganela, khuye: “Babe wago a ngu dziti gwadi gukhuye eni nyi manide wuwadi nya wukhongolo monyoni gwago, a di pimisa, khuye: Jonatane a nga siti esi gasi a si khuveki. Khu guralo, eni nyi ngu sambanya khu Pfhumu Nungungulu a vbanyago gukheni nyi womo ndzilani nya gufe.”

1 Samuweli 20:3 Iomraidhean Croise

2 Samuweli 15:21

Itayi a di hakha mufumeli, khuye: Nyi ngu sambanya khu Pfhumu Nungungulu a vbanyago ni ga womi wa mufumeli, mune wangu, kheni: “Gani khu hayi mufumeli, mune wangu, gani lufuni gani guvbanyani, githumi gyago, gi na bani giri nago.”

2 Dzipfhumu 2:2

Eliya a di embela Elizewu, khuye: “Uwe khala avba, kholu Pfhumu Nungungulu a nyi rumede gu hongola Bheteli.” Aholu Elizewu a di ganela, khuye: “Nyi ngu sambanya khu Pfhumu Nungungulu a vbanyago ni hefemulo wago kheni, gima kha nyi na nga gu diga. Khu guralo, va di hongola vatshavbo Bheteli.”

2 Dzipfhumu 2:4

Eliya a di embela Elizewu, khuye: “ Khala avba, kholu Pfhumu Nungungulu a nyi rumede guya Jeriko.” Aholu uye a di khuye: “Nyi ngu sambanya khu Pfhumu Nungungulu a vbanyago, ni hefemulo wago gukheni, gima kha nyi na nga gu diga.” Khu guralo, va di hongola Jeriko.

2 Dzipfhumu 2:6

Eliya a di embela Elizewu, khuye: “Khala avba, kholu Pfhumu Nungungulu a nyi rumede gu hongola Joridhani.” Aholu uye a di mu hakha, khuye: “Nyi ngu sambanya khu Pfhumu Nungungulu a vbanyago ni hefemulo wago gukheni, gima kha nyi na nga gu diga.” Khu guralo, va di hongola gumogo.

Dzindzimo 116:3

Nyi hungidwe khu dzitshinga nya lufu, ligoga nya lithowo li di nyi mode, eni nyi di tala khu guthava ni gusaniseka.

Jeremiya 38:16

Khu guralo, mufumeli Zedhekiya a di sambanya ga Jeremiya khu gisihaledza, khuye: “Nyi ngu sambanya khu Pfhumu Nungungulu a vbanyago, mugiri nya hefemulo wathu, gukheni kha nyi na nga gu songa, gambe kha nyi na gu ningela mandzani ga vama vava va vbwetago gu gu songa.”

Jeremiya 4:2

wa gu sambanya khu lina la Pfhumu Nungungulu a vbanyago, u gimbila khu ndzila ni lisine ni gululama, mayigo yatshavbo ma na kategiswa, gambe ma na zundzega khu kotani yago.

Dhewuteronome 28:66

Guvbanyani gwago gwatshavbo u naya pwa gundrendremela wutshigu ni mihani, u si mani lisine nya gusimame guvbanya.

Dhewuteronome 6:13

U na ninga githawo Pfhumu Nungungulu wago, u mu thumela, u sambanya khu lina laye.

Vahebheru 6:16

Muthu a gu sambanya, a gu sambanya khu lina la moyo a gu khongolo guvbindra uye. Gusambanya ga gu vbedza guganedzisana gwatshavbo.

1 Samuweli 1:26

Ana a di mu embela, khuye: “Yingisa mune wangu, nyi ngu sambanya khu womi wago, eni kheni nyamayi wule nyi nga bani nyi lombelela ga Pfhumu Nungungulu vbafuvbi nago.

1 Samuweli 17:55

Avbo Sawule a nga wonago Dhavhidhe na duga gu yela Mufilisitiya, a di wudzisa Abhineri, muthangeli nya nyimbi, khuye: “Abhineri, gasi mwamana wule lidzaha la mani.” Abhineri a di mu hakha, khuye: “Nyi ngu sambanya khu lisine kha nga u vbanyago uwe pfhumu, gukheni, kha nyi muti.”

1 Samuweli 20:2

Jonatane a di hakha, khuye: “U nga pimisi isoso; uwe khu na songwa! Babe wangu kha na nga gira gilo nyamba phela khu gu nyi tivisa, ambari na siri gya lisima mwendro gya lisima. Khu ginani a na gu nyi sihelago isoso? Kha si kodzegi!”

1 Samuweli 20:4

Jonatane a di embela Dhavhidhe, khuye: “Nyi na gira esi u si wonago nari sadi.”

1 Samuweli 25:26

Gasi olu, uwe mune wangu, nyi ngu tiyisa khu gu sambanya mbeli ga Pfhumu Nungungulu a vbanyago, ni hefemulo wago, gukheni khu Pfhumu Nungungulu, a gu himbedzedego gu vbaladza novba ni gu dzi phodzela uwe khu mandza yago. Khu guralo valala vago ni vatshavbo va vbwetago gu gira guvivba ga mune wangu, va na godze Nabhali.

1 Samuweli 27:1

Khu guralo, Dhavhidhe a di pimisa khu monyoni gwaye, khuye: “Limbe litshigu nyi na tshukha nyi thegela mandzani ga Sawule; kholu, gimwalo nya gyadi nyi na gi girago vbavbandze nya guthavele tigoni ga Vafilisitiya; gasi Sawule a garala khu gu nyi landrelela ga sipandre satshavbo sa Israyeli; khu kharati nyi na vbuluga mandzani gwaye.”