1 Samuweli 20:27 - Bhibhiliya Nya Guage

²⁷ Khu litshigu li landrelago, litshigu nya wuvili nya buzo nya gumege nya ngima, wulanga wa Dhavhidhe wu di simama gu khala liphanga. Khavbo avbo, Sawule a di wudzisa mwanaye Jonatane, khuye: “Khu ginani mwamana wa Jese a gu mbata hodza, gukhugela vbanova ni muhuno?”

1 Samuweli 20:27 Iomraidhean Croise

Matewu 13:55

Ina khandruye oyu mwamana wa muvati, gani? Ina mayi waye khandri Mariya? Vandriyaye khandri Jakobe, ni Josefe, ni Simoni ni Judha?

1 Pedro 2:4

hidzimelani gwaye, a gu giwindri nya guvbanye, gi nga nyenywa khu lisine khu vathu, aholu ga Nungungulu gilo nya lisima.

1 Samuweli 18:11

a li khusedza na gu ganela khu monyoni gwaye, khuye: “Nyi na paya Dhavhidhe nyi dzegela gu mupata ni ndzari.” Aholu Dhavhidhe a di mu vhika khu nyondro mbili.

1 Samuweli 19:15

Khavbo avbo, Sawule a diya bweledza vama vale guta ga Dhavhidhe, a va embela, khuye: “Mu rwaleni mu wuya naye eno gasi nyita mu songa.”

1 Samuweli 20:26

Ga litshigu lile, Sawule kha nga ganela gilo, a di pimisa gukhuye: “A gu dzina saye Dhavhidhe a di manana ni gunyenyeza nya gukari, gu na bani guri igyo givangelo.”

1 Samuweli 20:28

Jonatane a di hakha, khuye: “Dhavhidhe a nyi lombide, khu gu nyi gurumedza, gukhuye nyi mu dige a hongola Bhetlehema.

1 Samuweli 20:5

Khavbo avbo, Dhavhidhe a di hakha, khuye: “Mindru, litshigu nya buzo nya gumege nya Ngima, nyi fanede guya lalela ni mufumeli; aholu nyi dige nyi ya sihala khabini kala li pfola lidambo nya litshigu nya wuraru.”

1 Samuweli 25:10

Nabhali a di hakha sithumi sa Dhavhidhe, khuye: “Gasi khuye mani Dhavhidhe? Khuye mani mwamana wa Jese? Matshigwana yaya si tade sithumi si tutumago vamune vawe.